Bollywood : शाहरुख खानला बॉलिवूडमधील किंग खान बोलले जाते. तर सनी देओलही एकेकाळी सिनेसृष्टीत आपला दबदबा निर्माण केला होता. यश चोपडा यांचा सिनेमा ‘डर’ मध्ये सनी देओल आणि शाहरुख खानने एकत्रित काम केले होते. सिनेमात शाहरुख विरुद्ध सनी होता. यामधीलच एका क्लायमेक्समध्ये दोघांची लढाई होते. पण या सीनसंदर्भातील एक मजेशीर किस्सा जाणून घेणार आहोत.
सिनेमाचे अॅक्शन डायरेक्टर टीनू वर्मा यांनी एका मुलाखतीत डरच्या क्लायमेक्स सीनबद्दल सांगत म्हटले होते की, लढाई होत असल्याच्या सीक्वेंसवर काम करत होतो. तेव्हा सनी देओने म्हटले की, शाहरुख खान त्याच्यावर हल्ला करू शकत नाही. कारण मी एक ट्रेंड नेव्ही अधिकारी आहे.
रागात सनी देओलने फाडली पँट
सनी देओलच्या या बोलण्यावर शाहरुखने म्हटले होते की, मी शक्ती कपूर, प्रेम चोप्रा, गुलशन ग्रोवर नाहीये जो मागून हल्ला करेल. यावेळी यश चोप्रा आणि आदित्य चोप्राही उपस्थितीत होते. खरंतर, स्थिती अत्यंत गंभीर झाली होती. यावेळी सनी देओलला एवढा राग आला होता की, त्याने आपले हात पँटमध्ये टाकले आणि हात एवढ्या जोरात आवळले की पँटच फाटली गेली. (Bollywood)
असा शूट करण्यात आला सीन
यश यांनी टीनू यांना फोन केला आणि म्हटले की, या समस्येवर तोडगा काढावा. अशातच टीनू यांनी सुवर्णमध्य काढला. त्यांनी सीन अशाप्रकारे केला की, शाहरुख सनीला चाकू मारताना दिसणार नाही आणि पँटला चाकूही लागला जाईल. दरम्यान, डर सिनेमा केल्यानंतर शाहरुख खान आणि सनी देओल यांनी एकमेकांसोबत 16 वर्षे बातचीत केलीच नव्हती.
