Bollywood Movie : बॉलिवूडमधील अभिनेता अजय देवगण आणि तब्बू सध्या आपला आगामी सिनेमा ‘औरों में कहा दम था’ यामुळे चर्चेत आहे. सिनेमा पाहण्यासाठी प्रेक्षक उत्सुक होते. पण निर्मात्यांनी सिनेमाची रिलीज डेट पुढे ढकलली आहे. यामुळे प्रेक्षकांना ‘औरों में कहा दम था’ सिनेमा पाहण्यासाठी आणखी वाट पाहवी लागणार आहे. रोमान्स थ्रिलर असणारा सिनेमा 5 जुलैला प्रदर्शित होणार होता. पण याची तारीख पुढे ढकलली आहे. निर्मात्यांनी रिलीज डेट पुढे ढकलण्यामागील कारणही सांगितले आहे.
‘औरों में कहा दम था’ च्या निर्मात्यांनी पोस्ट शेअर करत म्हटले की, सिनेमाची रिलीज डेट पुढे ढकलण्याचा निर्णय घेतला आहे. याच्या रिलीजची नवी तारीख लवकरच जाहीर केली जाईल. सिनेमामध्ये अजय देवगण आणि तब्बूची केमिस्ट्री प्रेक्षकांना पाहता येणार आहे.
सिनेमा रिलीज होण्याची नवी तारीख काय असणार याची अद्याप घोषणा करण्यात आलेली नाही. सिनेमाचा ट्रेलर प्रेक्षकांच्या पसंतीस उतरला आहे. अशातच सिनेमा रिलीज होण्याची नवी तारीख कोणती असणार हे जाणून घेण्यासाठी प्रेक्षक उत्सुक आहेत. सिनेमाचे दिग्दर्शन नीरज पांडे यांनी केले आहे.
सिनेमाची कथा
‘औरों में कहा दम था’ सिनेमाची कथा कृष्ण आणि वसुधेच्या आयुष्यावर आहे. दोघांच्या नात्याला अनेक समस्यांचा सामना करावा लागतो असे दाखवण्यात आले आहे. यानंतर दोघेही वेगळे होतात. कारण कृष्णला तुरुंगवासाची शिक्षा होते. 22 वर्षानंतर तुरुंगातून निघाल्यानंतर वसुधासोबत त्याची अखेरची मुलाखतही सिनेमात पहायला मिळणार आहे. (Bollywood Movie)
अजय देवगण आणि तब्बू यांचा रोमँटिक थ्रिलर सिनेमा ‘औरों में कहा दम था’ मध्ये जिमी शेरगिल, सई मांजरेक आणि शांतनु माहेश्वरी मुख्य भूमिकेत दिसणार आहे. सिनेमाची निर्मिती पॅनोरमा स्टुडिओद्वारे करण्यात आली आहे. याचे संगीत ऑस्कर विजेते एमएम कीरवानी यांनी केले आहे.
