मराठी बिग बॉसचा पाचवा सिझन कमालीचा गाजत आहे. या शो ची फक्त महाराष्ट्रात नाही तर देशात चर्चा होताना दिसत आहे. सतत वाद आणि मोठं मोठी भांडणं यांमुळे हा शो गाजत आहे. दरम्यान बिग बॉसचा नवीन आठवडा सुरु झाला आणि त्यासोबतच नवीन वाद, भांडणांना देखील सुरुवात झाली आहे. या चालू आठवड्यासाठी जेष्ठ अभिनेत्री वर्षा उसगांवकर या घरात कॅप्टन झाल्या आहेत. सहावा आठवडा सुरु झाला आणि नॉमिनेशनची प्रक्रिया देखील पार पडली. यावेळी थेट नॉमिनेशन झाले.
बिग बॉस सुरु झाल्यापासूनच निक्की तांबोळी घरातील सर्वात जास्त आक्रमक सदस्य दिसून आली. तिने या घरात आतापर्यंत सगळ्यांशी भांडणं केले. रितेशने समज दिल्यानंतर तिच्यात काही दिवस बदल पाहायला मिळाला. मात्र आता पुन्हा एकदा निक्की तिच्या मूळ रूपात परत येत असल्याचे जाणवायला लागले आहे. सध्या वर्षाजी घरात कॅप्टन पद भूषवताना दिसत आहे. त्यांनी घरात सर्वांना त्यांची कामं वाटून दिली होती. इथेच वादाला तोंड फुटले.
सुरुवातीपासूनच आक्रमक असलेली निक्की मध्ये काही काळ नमली होती, मात्र आता पुन्हा ती घरात सर्वच सदस्यांवर चढत मनमानी करताना दिसत आहे. वर्षांजीनी निक्कीला बाथरूम स्वच्छ करण्याचे काम दिले. मात्र तिला ते करायचे नाही. यासोबतच ती झोपताना देखील दिसत आहे. वाटून दिलेल्या कामावरून वर्षाजीशी हुज्जत घालत मी काम करणार नाही असे स्पष्ट सांगत आहे. तिला घरातील सर्वच सदस्यांनी समजवायचा प्रयत्न केला तरीही ती मागे हटायला तयार नाही.
View this post on Instagram
शोच्या प्रोमोमध्ये दिसते की, निक्की कॅप्टन वर्षा यांना म्हणते, “मी वॉशरुम स्वच्छ करणार नाही”, पुढे ती म्हणते, “सुरजने निकष समजून न घेता मला नॉमिनेट केले. त्यावर तुम्ही माझ्यासाठी स्टॅण्ड घेतला नाही त्यामुळे आता मी घरात कोणतीही ड्युटी करणार नाही” असे ती वर्षाजी यांना सांगते. दुसऱ्या दिवशी तिने सांगितल्याप्रमाणे सकाळी उठवल्यावर निक्की घरात कोणतेही काम करणार नाही अशी भूमिका घेते. आर्या तिला ‘वॉशरुम स्वच्छ कर’ असे सांगून देखील निक्की ते काम करण्यास नकार देते. यानंतर घरातले सर्वच सदस्य तिच्याविरोधात होतात.
पुढे निक्कीला अभिजीत सावंत देखील समजवण्याचा अयशस्वी प्रयत्न करतो. मात्र ती तिच्या निर्णयावर ठाम रताहे आणि कोणाचेही ऐकून घेत नाही. नंतर तिला वर्षाजी म्हणतात, “नॉमिनेशन आणि ड्युटीचा काही संबंध नाही. तू वॉशरुम धुणार नाहीस म्हणजे? यात काहीच लॉजिक नाहीये. तुला केवळ निमित्त म्हणून हे करायचे. तुझा लहरी स्वभाव आहे आणि आता तू खरंच कहर करतेस.” हे सर्व पाहून पंढरीनाथ कांबळे म्हणतात, “मग आता ज्या-ज्या गोष्टी घरात येतील त्या फक्त घरातल्यांनी वापरायच्या” तर निक्की पुढे, “हा निर्णय तुम्ही घेऊ शकत नाही. कॅप्टनला पद सोडायला सांगा…असा कॅप्टन काय कामाचा?”
निक्कीच्या विरोधात संपूर्ण घर एकत्र होते तिला सगळे सदस्य सांगतात. “काम केले नाहीस, तर घरात ज्या गोष्टी येतात त्या तुला वापरायला मिळणार नाही”. यानंतर निक्की घराच्या कॅप्टन असलेल्या वर्षाजीना म्हणते, “आता तुम्ही एक शब्दही का बोलत नाही? हे लोक म्हणतात रेशन देणार नाही हे योग्य आहे का? मी सर्व वापरणार कोणीही माझ्यावर जबरदस्ती करू शकत नाही.”
यातच वर्षा निक्कीला सांगतात, “तू वॉशरुम स्वच्छ केले नाहीस, तर खरं म्हणजे तिथेही तुला जाण्याचा अजिबात अधिकार नाही. तू हा बाहेरचा बाथरुम वापर…आतमध्ये तुला अधिकार नाही. हा सगळ्यांचा निर्णय आहे.”
======
हे देखील वाचा : प्रसाद ओकला मुलाने गिफ्ट दिली आलिशान BMW कार
======
यावर निक्की वर्षा यांना उलट उत्तर देताना म्हणते, “मी तुमच्यासमोरच आत बाथरुममध्ये जाऊन दाखवेन. मला अडवणारा अजून जन्माला आलेला नाही. तुम्ही मला हुकूम देऊ नका. कॅप्टन आहात, तर कॅप्टनच राहा. इथे बादशाह होऊ नका…माझा बाप बनू नका. समजले ना…? कॅप्टनच्या हैसियतमध्ये राहा” निक्की एवढे बोलताना दिसत असूनही वर्षा या शांत दिसल्या. आता यावर बिग बॉस काय निर्णय घेतात आणि घरातील सदस्य निक्कीशी कसे वागतात हे येणाऱ्या भागात समजेलच.
दरम्यान या प्रोमोवर नेटकऱ्यांनी आणि सोबतच अनेक कलाकारांनी देखील कमेंट्स करत पुन्हा निक्की वर्षाजी यांच्याशी कशी वागते यावर घरातील सदस्यांना आणि बिग बॉस ला ऐकवले आहे. निक्कीला घरातून बाहेर काढण्याची मागणी देखील अनेकांनी केली आहे.
