महाराष्ट्र विधानसभेच्या अर्थसंकल्पीय अधिवेशनाच्या शेवटच्या दिवशी भाजप आमदार अमित साटम यांनी मुंबई महापालिका आयुक्त इक्बाल सिंह चहल यांच्यावर आरोप केले. आमदार अमित साटम म्हणाले की, बीएमसी आयुक्तांच्या भावाने बॉलिवूड गायक सोनू निगमला धमकी दिली आहे.
सोनू निगमला फुकटात शो करण्यास सांगण्यात आले आणि तसे न केल्यास त्याला बीएमसीला नोटीस पाठवून घर फोडण्याची धमकी देण्यात आली, असा आरोप आमदाराने केला आहे. आयुक्तांवर कडक कारवाई करावी, अशी मागणी साटम यांनी सभागृहात केली.
====
हे देखील वाचा: महागाईवरुन संजय राऊताचां भाजपवर हल्लाबोल
====
सोनू निगमची भाजप आमदाराकडे तक्रार
भाजप आमदार अमित साटम यांनी सांगितले की, गायक सोनू निगम माझ्या विधानसभा मतदारसंघात राहतो. मला त्यांची एक तक्रार मिळाली आहे, त्यानुसार मुंबई महापालिकेचे आयुक्त इक्बाल सिंग चहल यांचा भाऊ राजिंदर याने त्यांना धमकी दिली होती.
राजिंदरने सोनूला सांगितले होते की तू फुकटात काही शो कर नाहीतर बीएमसीकडून तुझे घर तोडण्याची नोटीस येईल. सोनू निगमशी फोनवर बोलत असताना राजिंदरनेही गैरवर्तन केल्याचे त्याने सांगितले.
आयुक्तांनी दिले प्रत्युत्तर
त्याचवेळी आयुक्त इक्बाल सिंह चहल यांना याबाबत विचारले असता त्यांनी आरोप फेटाळून लावले. त्यानां राजिंदर नावाचा भाऊ नसल्याचे त्यांनी सांगितले. राजिंदर नावाचा माणूस त्याच्या गावात राहतो आणि त्याने असे वर्तन केले असेल तर त्याला शिक्षा झाली पाहिजे. ते म्हणाले की, राजिंदर माझा भाऊ नाही.
====
हे देखील वाचा: प्रताप सरनाईक यांच्यावर ईडीची कारवाई, ११.३५ कोटी रुपयांची मालमत्ता जप्त
====
आयुक्तानां आयकर विभागाची नोटीस
आयकर विभागाच्या नोटीसमुळे इक्बाल चहलही चर्चेत आला आहे. आयकर विभाग कौन्सिलर यशवंत जाधव यांच्या मालमत्तेबाबत चौकशी करत आहे.
याच प्रकरणी त्यांनी इक्बाल चहललाही नोटीस पाठवली आहे. प्राप्तिकर विभागाच्या नोटीशीनुसार चहल यांना स्थायी समितीचा प्रस्ताव आणि हिशोबाची पुस्तके दाखविण्याची मागणी करण्यात आली आहे.
