मराठी मनोरंजनविश्वातील प्रगल्भ आणि अभ्यासू अभिनेत्री म्हणून सोनाली कुलकर्णीला ओळखले जाते. तिने केवळ मराठी नाही तर हिंदी, इंग्रजी, इटालियन, बंगाली, तामिळ, तेलगू आदी भाषांमधील तब्बल ८० पेक्षा जास्त चित्रपटात काम केले आहे.
अभिनयासाठी ओळखली जाणारी सोनाली सोशल मीडियावर कमालीची सक्रिय आहे. ती अनेकदा तिचे विविध फोटो इंस्टाग्रामवर शेअर करताना दिसते. नुकतेच तिने तिचे साडीतले अतिशय सुंदर आणि आकर्षक फोटो पोस्ट केले आहे.
सोनालीने शेअर केलेल्या फोटोंमध्ये ती कमालीची सुंदर दिसत आहे. तिने गुलाबी रंगाची साधी कॉटनची काठापदराची साडी नेसली आहे. यावर तिने निळ्या रंगाचे साधे ब्लाऊज घातले आहे.
तिच्या दागिन्यांबद्दल बोलायचे झाल्यास तिने खूपच मोजकी आणि आकर्षक ज्वेलरी घातली आहे. तिने रिंग झुमका कानातले, गळ्यात लांब मोठ्यांची माळ, हातात हिरव्या बांगड्यांसोबतच दोन मोत्याच्या बांगड्या घातल्या आहे. तिने अंबाडा घालून त्यावर गुलाबी रंगाचे गुलाबाचे फुल लावलेले दिसत आहे.
सोनालीने आतापर्यंत ‘दिल चाहता है’, ‘मिशन कश्मीर’ ‘दोघी’, ‘मुक्ता’ या सारख्या चित्रपटांपासून गुलाबजाम, देऊळबंद, डॉक्टर बाबा आमटे आदी अनेक चित्रपटांमध्ये काम केले आहे.
सोनालीने अनेक उत्तम चित्रपट, नाटकांमध्ये काम करत आपल्या अभिनयाचा ठसा प्रेक्षकांवर उमटवला. उत्तम अभिनेत्री असण्यासोबतच ती एक चांगली लेखिका देखील आहे. तिने ‘सो कुल’ नावाने एक पुस्तक देखील लिहिले आहे.
सोनाली नेहमीच तिच्या स्पष्ट, प्रगल्भ विचारांसाठी ओळखली जाते. तिचे प्रत्येक गोष्टींबाबतचे विचार अतिशय स्पष्ट असतात. ती ते बिनधास्त आणि बेधकपणे व्यक्त देखील करते.
