दमदार अभिनयासाठी अभिनेत्री छाया कदम यांचे नाव आघाडीवर आहे. त्यांनी अनेक हिंदी मराठी चित्रपटांतून त्यांच्या प्रभावी अभिनयाचे दर्शन प्रेक्षकांना घडवले. काही महिन्यांपूर्वीच त्यांची भूमिका असलेला चित्रपट कान चित्रपट महोत्सवात सर्वोत्कृष्ट ठरला होता. त्यांनतर छाया कदम हे नाव देश विदेशात अगदी मानाने झळकले. अतिशय प्रतिकूल परिस्थितीमधून येत छाया कदम यांनी मराठी आणि हिंदी मनोरंजनविश्वात आपला ठसा उमटवला. (Hemangi Kavi Post)
‘फॅंड्री’, ‘सैराट’, ‘न्युड’, ‘रेडू’, ‘सरला एक कोटी’ अशा गाजलेल्या मराठी चित्रपटांसह ‘झुंड’ व ‘गंगूबाई काठियावाडी’, ‘लापता लेडीज’, ‘सिंघम रिटर्न’, ‘अंधाधुंद’ आदी बॉलिवूड चित्रपटांमधून छाया यांनी त्यांच्यातल्या प्रगल्भ अभिनेत्रींचे दर्शन सगळ्यांना करून दिली. पडद्यावर भूमिका अक्षरशः जगणाऱ्या छाया कदम यांच्याबद्दल अभिनेत्री हेमांगी कवीने एक पोस्ट शेअर केली आहे. ही पोस्ट सध्या खूपच व्हायरल होत असून, त्यावर कलाकार आणि नेटकऱ्यांच्या प्रतिक्रिया देखील उमटताना दिसत आहे.
हेमांगीने शेअर केलेल्या पोस्टमध्ये लिहिले, “Cannes ला जायच्या आधीच्या आणि आता येणाऱ्या प्रत्येक achievement साठी तुझं खूप खूप कौतुक आणि अगणित शुभेच्छा. छायडे! @chhaya.kadam.75
तू तिथे जायच्या आधीही भारीच होतीस गं. मराठीतली तुझी सर्व कामं, हिंदीत झुंड, अंधाधुंद, गंगूबाई काठीयावाडी, आताचा लापता ladies, मडगाव express किती तरी सुंदर सुंदर कामं केलीस पण तुझं भारीपण आपल्या मराठी media च्या लक्षात यायला फार उशीर झाला असं मला वाटतं. त्यासाठी तुला परदेशी जाऊन यावं लागलं.
View this post on Instagram
अक्षरश: डोक्यावर घेतलं! ‘देर आए दुरूस्त आए’ म्हणायचं. लोकांनीही तुझं कौतुक केलं, ते तुझ्याबद्दल आणखी आणखी वाचत होते कारण लोकांना वाचायला, तुला बघायला मज्जा येत होती. So यानिमित्ताने मला सर्व Media ला विनंती करावीशी वाटते की कुठल्या अभिनेत्रीने किती लग्नं केली, कुणाबरोबर फिरतेए, काय कपडे घातलेत, मुल का नाही असल्या फालतू आणि लोकांना bore करणाऱ्या बातम्यांपेक्षा तिच्या कामाबद्दल माहीती दिली, जमलं तर प्रसंशा केली तर बरं होईल आणि तुम्हांला social media var उत्तम engagement ही मिळेल. जशी तुम्ही छायाच्या वेळी मिळवलीत. असो.
=======
हे देखील वाचा : नीता अंबानींची वहिनी टीना अंबानी एकेकाळी बॉलिवूडमधील अभिनेत्री होती. सध्या अभिनयन सोडून टीना अंबानी काय करतात हे जाणून घेऊया…
एक असा काळ होता जेव्हा serial वाले तुला shooting साठी स्वतः चे कपडे आणत जा सांगायचे आणि आज, जगभरातले मोठमोठे designers तुला त्यांचे कपडे देऊ करताएत. क्या बात है. तुझ्या अभिनयाच्या achievements सोबत या achievement चं कौतुक वाटतंय मला, कारण आपल्याला माहीतीए गं ‘स्वतःचे कपडे आणा’ सांगितल्यावर काय वाटायचं. बाकी तु कमाल थी, कमाल है और कमाल रह.”
दरम्यान हेमांगीने तिच्या या पोस्टसोबत काही फोटो शेअर केले आहेत. ज्यामध्ये ती छाया कदम, सोनाली कुलकर्णी, किशोर कदम, रसिका आगाशे, मोहमद्द अयुब आदी दिसत आहे. तिच्या या पोस्टवर नेटकाऱ्यानी देखील प्रतिक्रिया देताना छाया कदम यांचे कौतुक करत त्यांना सर्वोत्कृष्ट अभिनेत्री म्हटले आहे.
अभिनयाची कोणतीही पार्श्वभूमी नसताना केवळ १४ दिवसांच्या अभिनयाच्या वर्कशॉपमध्ये अभिनयाचे धडे गिरवणाऱ्या छाया कदम यांनी कान्स फिल्म फेस्टिव्हलपर्यंत मारलेली मजल खरंच वाखाणण्याजोगी आहे. आगामी काळात छाया कदम या विक्रम मेस्सीबरोबरचा ‘ब्लॅकआऊट’, संजय मिश्रांबरोबर ‘अल्केमिस्ट’, ‘पेडीग्री’, ‘बारडोली’ अशा काही चित्रपटांमधून चाहत्यांच्या भेटीला येणार आहेत. (Hemangi Kavi Post)
