‘लायगर’ (Liger) चित्रपटातील विजय देवरकोंडाचा (Vijay Deverakonda) जबरदस्त लूक समोर आला आहे. होय, अभिनेत्याने त्याच्या सोशल मीडिया अकाउंटवर पोस्ट शेअर करून त्याच्या पात्राची झलक दिली आहे. या चित्रपटात विजय देवरकोंडा व्यतिरिक्त अनन्या पांडे देखील मुख्य भूमिकेत आहे. एकीकडे विजय या चित्रपटाद्वारे बॉलिवूडमध्ये पदार्पण करत आहे. तर दुसरीकडे अनन्या पांडेही ‘लायगर’मधून साऊथ इंडस्ट्रीत पाऊल ठेवणार आहे.
विजयने शेअर केलेल्या या पोस्टमुळे सोशल मीडियावर खळबळ उडाली आहे. या चित्रात अभिनेता कपड्यांशिवाय पोज देताना दिसत आहे. हा फोटो पोस्ट करत विजयने चित्रपटात काम करतानाचा अनुभव थोडक्यात शेअर केला. विजय लिहितो, “एक चित्रपट ज्याने माझे सर्व काही घेतले. ही माझी मानसिक आणि शारीरिकदृष्ट्या सर्वात आव्हानात्मक भूमिका आहे. त्यासाठी मी माझे सर्वस्व दिले आहे! लवकरच येत आहे.”
हा चित्रपट पुरी जगन्नाध यांनी दिग्दर्शित केला आहे आणि धर्मा प्रॉडक्शनच्या अंतर्गत करण जोहर निर्मित आहे. हा एक अॅक्शन थ्रिलर चित्रपट असेल. विजय आणि अनन्या व्यतिरिक्त या चित्रपटात रम्या कृष्णा, रोनित रॉय, अली, मकरंद देशपांडे आणि विष्णू रेड्डी यांच्याही प्रमुख भूमिका आहेत. 25 ऑगस्ट 2022 रोजी लायगर हिंदी, तमिळ, तेलुगू, कन्नड आणि मल्याळम भाषांमध्ये सिनेमागृहात प्रदर्शित होणार आहे.
====
हे देखील वाचा: Ek Villain Returnsचा जबरदस्त ट्रेलर रिलीज
====
लायगरमध्ये विजय देवरकोंडा हा मार्शल आर्ट्स फायटरच्या भूमिकेत आहे, तर दिग्गज बॉक्सर माईक टायसन हा चित्रपटात त्याचा प्रतिस्पर्धी म्हणून दिसणार आहे. त्यामुळे हा चित्रपट खूप चर्चेत आहे. तेलुगु चित्रपटसृष्टीतील अनन्या पांडे आणि माईक टायसन यांचा हा पहिलाच चित्रपट आहे.
