दिवसागणिक उन्हाची तीव्रता वाढताना दिसत आहे. सकाळी आणि रात्री जरी अनेक ठिकाणी थंड वाटत असले तरी दुपारी बऱ्यापैकी ऊन जाणवायला सुरुवात झाली आहे. उन्हाळ्यात तुम्हाला तुमच्या आरोग्याची विशेष काळजी घ्यावी लागते. वातावरणामध्ये उष्णता वाढल्यामुळे तुमच्या आहाराच पोषक तत्वांचा समावेश करणे गरजेचे आहे. उन्हाळा सुरू होताच आरोग्याशी संबंधित अनेक प्रकारच्या समस्या वाढू लागतात. तीव्र सूर्यप्रकाश, वाढणारे तापमान आणि सतत येणारा घाम यांचा शरीरावर वाईट परिणाम होऊ शकतो. उष्णता वाढल्यानंतर शरीराच्या कार्यात अनेक अडथळे निर्माण होण्याची शक्यता असते. (Summer Care)
उन्हाळ्याच्या दिवसांमध्ये शरीरासह त्वचा आणि केसांची योग्य काळजी घ्यावी. ऊन वाढल्यामुळे शरीरातील पाणी घामावाटे निघून जाते, ज्यामुळे शरीरात पाण्याची कमतरता निर्माण होण्याची शक्यता असते. त्यामुळे या दिवसांमध्ये भरपूर पाणी प्यावे आणि शरीराची काळजी घ्यावी. उन्हाळ्यामध्ये काही गंभीर आणि मोठे आजार होण्याचा धोका जास्त वाढतो. त्यामुळे आपण आधीपासूनच काळजी घेणे नक्कीच फायद्याचे ठरू शकेल. उन्हाळ्यामध्ये कोणते आजार होऊ शकतात आणि ते होऊ नये म्हणून कोणती काळजी घ्यायची घ्या जाणून. (Health)
डिहायड्रेशन
उन्हाळा वाढल्यानंतर शरीराच्या तापमानात अनेक बदल होतात. बाहेर जाऊन आल्यानंतर किंवा इतर वेळी वाढत्या गर्मीमुळे शरीरात पाण्याची कमतरता निर्माण होते. पाण्याची कमतरता निर्माण झाल्यानंतर सतत डोकं दुखणे, चक्कर येणे, थकवा, अशक्तपणा इत्यादी गंभीर समस्या उद्भवू शकतात. शरीरात पाण्याची कमतरता निर्माण झाल्यानंतर ओठ पूर्णपणे कोरडे होऊन लघवीचा रंग बदलतो. त्यामुळे या दिवसांमध्ये भरपूर पाण्याचे सेवन करावे. यासोबतच लिंबू पाणी, ताक, आवळ्याचा रस इत्यादी हेल्दी आणि प्रभावी पेयांचे सेवन करावे. पुरेशा प्रमाणात पाणी पिणे आणि शरीराला आर्द्रता देणाऱ्या गोष्टी खाणे आणि पिणे महत्त्वाचे आहे. बाहेर तळलेले अन्न खाणे टाळा कारण त्यामुळे शरीरात पाण्याची कमतरता वाढू शकते. (Marathi News)
अन्नामधून विषबाधा
कडक उन्हाळ्यात आहारात सतत तेलकट किंवा तिखट पदार्थांचे सेवन करण्याऐवजी शरीराला पचन होणाऱ्या हलक्या पदार्थांचे सेवन करावे. जेवणात उरलेल्या शिळ्या पदार्थांचे सेवन करू नये. या पदार्थांच्या सेवनामुळे शरीराची पचनक्रिया बिघडते आणि गॅस, अपचन, ऍसिडिटी वाढते. त्यामुळे उन्हाळ्यात ताजे आणि पचनास हलके असलेले अन्नपदार्थ खावेत. उन्हाळ्यात अन्न लवकर खराब होते, त्यामुळे पोटाच्या समस्या वाढतात. बाहेरचे किंवा शिळे अन्न खाल्ल्याने पोटदुखी, उलट्या, जुलाब आणि अशक्तपणा येऊ शकतो. अनेक वेळा दूषित पाणी पिल्याने पोटात बिघाड होतो. हे टाळण्यासाठी, ताजे आणि स्वच्छ अन्न खा, रस्त्याच्या कडेला उघड्यावर विकले जाणारे अन्न टाळा आणि जेवण्यापूर्वी हात धुण्याची सवय लावा. (Top Marathi News)
डोळ्यांचे संक्रमण
उन्हाळ्याच्या हंगामात डोळ्यांशी संबंधित अनेक संक्रमण होऊ शकतात. या काळात डोळ्यांची जळजळ, डोळ्यांच्या बुबुळाच्या पुढील भागाचा होणारा दाह आणि डोळ्यांची अॅलर्जीची समस्या उद्भवू शकते. यासाठी उन्हाळ्यात चेहरा आणि डोळे स्वच्छ पाण्याने धुवावेत. उन्हाळ्यात डोळ्यांचे संक्रमण टाळण्यासाठी डोळे वारंवार थंड पाण्याने धुवा, बाहेर जाताना UV-संरक्षित सनग्लासेस वापरा, डोळ्यांना स्पर्श करणे टाळा आणि वैयक्तिक रुमाल, टॉवेल शेअर करू नका. डोळ्यांची जळजळ झाल्यास थंड पाण्याच्या पट्ट्या वापरा आणि जड मेकअप किंवा कॉन्टॅक्ट लेन्स टाळा. डोळ्यांतून पाणी येत असल्यास किंवा लाल झाल्यास काकडीचे काप किंवा थंड टी-बॅग्ज डोळ्यांवर ठेवा. (Latest Marathi Headline)
कांजण्या
कांजण्या ही उन्हाळ्यात निर्माण होणारी एक सामान्य समस्या आहे. कांजण्या होतात तेव्हा संपूर्ण शरीरावर विविध ठिकाणी पुरळ उठू लागतात. हे पुरळ द्रवाने भरलेले असतात आणि त्यांना खाज सुटते. यामुळे सतत संपूर्ण शरीरावर खाज सुटते. हे पुरळ फुटले तर वेदना होऊ लागतात आणि त्याचे शरीरावर डाग पडतात. त्यामुळे हायड्रेटेड राहण्यासाठी आणि डिहायड्रेशन टाळण्यासाठी भरपूर द्रव पदार्थ घ्या. पाणी, रस, सूप आणि हर्बल टी हे चांगले पर्याय आहेत. कॅफीन, अल्कोहोल किंवा साखर असलेले पेय टाळा, कारण ते निर्जलीकरण आणि जळजळ वाढवू शकतात. कांजण्या थंड किंवा कोमट पाण्याने अंघोळ करा. अंघोळीच्या पाण्यात ओट्स किंवा बेकिंग सोडा मिसळल्याने खाज कमी होते. (Top Trending News)
टायफइड
उन्हाळ्यात टायफइडचा धोकाही वाढतो. टायफइड झाल्यास ताप वाढतो आणि डोकेदुखी दीर्घकाळ राहते. आहाराकडे लक्ष देऊन आणि औषधे घेतल्यानेच टायफॉइड कमी होतो. सडलेले मांस खाल्ल्याने आणि घाण पाणी पिल्याने टायफॉइड होऊ शकतो. उन्हाळ्यात टायफॉइड टाळण्यासाठी उकळलेले पाणी पिणे, बाहेरचे उघडे अन्न न खाणे आणि वैयक्तिक स्वच्छता पाळणे अत्यंत महत्त्वाचे आहे. लक्षणे दिसल्यास तातडीने डॉक्टरांचा सल्ला घ्या, भरपूर द्रवपदार्थ घ्या आणि पूर्ण विश्रांती घ्या. (Top Stories)
=========
Wine : प्रमाणात रेड वाइन प्यायल्याने होतात अनेक आरोग्यवर्धक फायदे
=========
लक्षात ठेवा
तुमचे शरीर हायड्रेटेड ठेवा, निरोगी अन्न खा आणि जास्त उन्हात जाणे टाळा. जर कोणतीही समस्या गंभीर वाटत असेल तर ताबडतोब डॉक्टरांचा सल्ला घ्या. जर तुम्हाला उन्हाळ्याचा आनंद घ्यायचा असेल तर तुमच्या आरोग्याची काळजी घेणे खूप महत्वाचे आहे. शक्य असल्यास उन्हाळ्यात सकाळी १० ते दुपारी ४ या वेळेत बाहेर जाण्यापासून टाळा. सनस्क्रीन लावा, १००% अतिनील संरक्षण असलेले सनग्लासेस घाला आणि टोपी घाला. पाणी प्या, फळांचा रस प्या किंवा ताजी काकडी, लिंबाचे तुकडे किंवा फळे घालून चवीचा एक छोटासा भाग घ्या. निरोगी आरोग्यासाठी पुरेशी झोप घेणे आवश्यक आहे. टरबूज, कलिंगड, संत्री, मोसंबी, केळी, काकडी या फळांचे सेवन करा. (Social News)
(टीप: सदर लेखात दिलेलील माहिती ही उपलब्ध स्त्रोतांवर आधारित आहे. त्यामुळे कोणत्याही त्रास होत असल्यास डॉक्टरांचा किंवा आरोग्य तज्ञांचा सल्ला आधी घ्या.)
Latest Marathi News | News in Marathi | Live news Updates in Marathi on Trending Topics
