Skin Care : गुलाब पाणी हे त्वचेसाठी अत्यंत फायदेशीर मानले जाते. यात नैसर्गिक थंडावा, अँटीबॅक्टेरियल आणि अँटीऑक्सिडंट गुणधर्म असतात. त्वचा ताजी ठेवणं, पिंपल्स कमी करणं, डाग हलके करणं आणि चेहऱ्यावर नैसर्गिक ग्लो आणण्यासाठी गुलाब पाणी उपयुक्त ठरतं. मात्र जर यामध्ये काही घरगुती घटक मिक्स केले, तर त्याचा परिणाम अधिक जलद आणि प्रभावी दिसतो. चला जाणून घेऊया गुलाब पाण्यात मिक्स करण्याच्या 3 सोप्या गोष्टी, ज्यामुळे फक्त आठवड्याभरात सौंदर्य खुलू लागेल.
१. गुलाब पाणी + ग्लिसरीन
कोरडी, निस्तेज आणि ताणलेली त्वचा असणाऱ्यांसाठी गुलाब पाणी आणि ग्लिसरीन हे सर्वोत्तम कॉम्बिनेशन आहे. गुलाब पाणी त्वचेला ताजेपणा देतं, तर ग्लिसरीन त्वचेला खोलवर मॉइश्चर पुरवतं. २ चमचे गुलाब पाण्यात १ चमचा ग्लिसरीन मिसळा आणि रात्री झोपण्याआधी हा मिश्रण चेहऱ्यावर हलक्या हाताने लावा. नियमित वापर केल्यास त्वचा मऊ, हायड्रेटेड आणि नैसर्गिक चमकदार होते. आठवड्याभरातच फरक जाणवतो.
२. गुलाब पाणी + लिंबाचा रस
चेहऱ्यावरील टॅन, काळे डाग आणि निस्तेजपणा दूर करण्यासाठी गुलाब पाणी आणि लिंबाचा रस उपयुक्त ठरतो. लिंबामधील व्हिटॅमिन C त्वचेला उजळवतो, तर गुलाब पाणी त्वचेला शांत ठेवतं. २ चमचे गुलाब पाण्यात फक्त ५–६ थेंब लिंबाचा रस मिसळा. कापसाच्या बोळ्याने चेहऱ्यावर लावा आणि १० मिनिटांनी स्वच्छ पाण्याने धुवा. आठवड्यातून २–३ वेळा वापरल्यास त्वचेचा रंग निखरू लागतो. (संवेदनशील त्वचेवर आधी पॅच टेस्ट करा.)
=============
हे देखील वाचा :
Hair Care : केस मूळांपासून होतील मजबूत! डाएटमध्ये आवर्जून करा या 5 व्हिटॅमिन्सचा समावेश
Wedding : ऐकावे ते नवलच! ‘या’ ठिकाणी लग्नाआधी चक्क मामाच पाडतो वधूचे दात
Anger Control Tips : तुम्ही लगेच संतप्त होता? वापरा या ट्रिक्स, व्हाल मिनिटांत शांत
==============
३. गुलाब पाणी + बेसन
तेलकट त्वचा, पिंपल्स आणि ओपन पोअर्सची समस्या असल्यास गुलाब पाणी आणि बेसनाचा फेस पॅक खूप फायदेशीर ठरतो. बेसन त्वचेतील घाण, तेल आणि डेड स्किन काढून टाकतं, तर गुलाब पाणी त्वचेला थंडावा देतं. १ चमचा बेसन आणि आवश्यक तेवढं गुलाब पाणी मिसळून पेस्ट तयार करा. हा पॅक चेहऱ्यावर लावा आणि १५ मिनिटांनी कोमट पाण्याने धुवा. आठवड्यातून २ वेळा वापरल्यास त्वचा स्वच्छ, टाईट आणि ग्लोइंग दिसते. (Skin Care)
Latest Marathi News | News in Marathi | Live news Updates in Marathi on Trending Topics
