Women Mental Health : आजची आधुनिक स्त्री अनेक भूमिका एकाच वेळी निभावत आहे—घर, करिअर, नातेसंबंध, सामाजिक अपेक्षा आणि स्वतःची ओळख. बाहेरून ती आत्मविश्वासू, यशस्वी आणि सगळं व्यवस्थित हाताळणारी दिसते; मात्र आतून सतत अस्वस्थ, तणावग्रस्त आणि बेचैन असते. ही स्थिती अनेकदा हाय-फंक्शनिटी एंग्झायटी (High-Functioning Anxiety) मुळे उद्भवते. हा एंग्झायटीचा असा प्रकार आहे ज्यात व्यक्तीची कार्यक्षमता बाहेरून उत्तम दिसते, पण मनात सतत चिंता आणि भीती सुरू असते.
हाय-फंक्शनिटी एंग्झायटी म्हणजे काय?
हाय-फंक्शनिटी एंग्झायटी ही वैद्यकीयदृष्ट्या स्वतंत्र निदान नसली, तरी मानसशास्त्रात ओळखली जाणारी मानसिक अवस्था आहे. यात महिलांमध्ये सतत “सगळं परफेक्ट असायला हवं” ही भावना असते. कामात यश मिळत असतानाही समाधान मिळत नाही. भविष्यात काहीतरी बिघडेल या भीतीने मन सतत सतर्क राहते. अशा महिलांना जबाबदाऱ्या उत्तम निभावताना दिसतात, पण मनाला कधीच शांतता मिळत नाही.
Women Mental Health
महिला आतून बेचैन का राहतात? कारणे समजून घ्या
महिलांवर सामाजिक आणि कौटुंबिक अपेक्षांचा मोठा दबाव असतो. “सगळ्यांना आनंदी ठेवायचं”, “चूक होऊ द्यायची नाही”, “कमकुवत दिसायचं नाही” या विचारांमुळे मनावर ताण वाढतो. स्वतःसाठी वेळ न काढणे, भावना व्यक्त न करणे आणि सतत स्वतःची तुलना इतरांशी करणे यामुळे ही बेचैनी वाढते. अनेकदा महिलांना वाटते की त्यांनी आपली चिंता व्यक्त केली तर त्यांना कमकुवत समजले जाईल, त्यामुळे त्या आतूनच सगळं सहन करत राहतात.
हाय-फंक्शनिटी एंग्झायटीची लक्षणे
या एंग्झायटीची लक्षणे सहज लक्षात येत नाहीत. सतत ओव्हरथिंकिंग करणे, झोप न लागणे, छोट्या गोष्टींवर जास्त ताण घेणे, स्वतःवर कठोर असणे आणि कायम व्यस्त राहून मन दुसरीकडे वळवण्याचा प्रयत्न करणे ही प्रमुख लक्षणे आहेत. यासोबतच डोकेदुखी, पोटाचे विकार, हृदयाची धडधड वाढणे यांसारखी शारीरिक लक्षणेही दिसू शकतात. बाहेरून सगळं “नॉर्मल” वाटत असलं तरी आतून मानसिक थकवा वाढलेला असतो.(Women Mental Health)
==========
हे देखील वाचा :
Relationship Advice : पार्टनर खोटं बोलतोय? या 4 ट्रिकने पटकन ओळखा, वेळीच नातं सावरता येईल
Parenting Tips : मुलं सतत शांत राहत असल्यास सावध व्हा; यामागे असू शकतात ही 5 महत्त्वाची कारणे
Simmer Dating नक्की काय आहे? Gen Z तरुणाईमधील रिलेशनशिपचा नवा ट्रेंड
============
उपाय काय? वेळीच काळजी घेणे गरजेचे
हाय-फंक्शनिटी एंग्झायटीवर मात करण्यासाठी सर्वात महत्त्वाचे म्हणजे स्वतःच्या भावना स्वीकारणे. परफेक्ट असण्याची गरज नाही हे मनाला समजावणे आवश्यक आहे. दररोज थोडा वेळ स्वतःसाठी काढणे, ध्यान-श्वसनाचे सराव करणे आणि झोपेची काळजी घेणे उपयोगी ठरते. विश्वासू व्यक्तीशी मनमोकळं बोलणं किंवा गरज भासल्यास मानसोपचारतज्ज्ञांचा सल्ला घेणं हे कमजोरीचं नव्हे, तर स्वतःच्या आरोग्याची काळजी घेण्याचं लक्षण आहे. मानसिक आरोग्य जपलं तरच बाह्य यशाचा खरा आनंद घेता येतो.
Latest Marathi News | News in Marathi | Live news Updates in Marathi on Trending Topics
