Pre Approved Loan : आजकाल अनेक ग्राहकांच्या मोबाईलवर, ई-मेलवर किंवा बँकिंग अॅपवर “Pre Approved Loan Available” अशा ऑफर्स येत असतात. कोणतेही कागदपत्र न देता, काही मिनिटांत कर्ज मंजूर होईल असा दावा या ऑफर्समध्ये केला जातो. मात्र, अनेकांना प्रश्न पडतो की बँका अशा प्री-अप्रूव्हड लोनवर सतत ऑफर्स का देतात? यामागे नेमके कोणते व्यावसायिक गणित आणि फायदे दडलेले आहेत, हे समजून घेणे ग्राहकांसाठी महत्त्वाचे आहे.
Pre Approved Loan म्हणजे काय?
Pre Approved Loan म्हणजे बँकेने आधीच ग्राहकाची क्रेडिट प्रोफाइल तपासून त्याला ठराविक रकमेपर्यंत कर्ज देण्याची तयारी दर्शवलेली ऑफर. बँका ग्राहकांचा Credit Score, Transaction History, Salary Pattern, Account Balance आणि Loan Repayment History यावरून हे प्री-अप्रूव्हल देतात. त्यामुळे अशा कर्जासाठी वेगळी पडताळणी किंवा जास्त कागदपत्रांची गरज भासत नाही. बँकांसाठी हा कमी जोखमीचा व्यवहार ठरतो, कारण ग्राहकाची आर्थिक शिस्त आधीच तपासलेली असते.
Pre Approved Loan
बँका Pre Approved Loan वर ऑफर्स का देतात?
बँका प्री-अप्रूव्हड लोनवर आकर्षक ऑफर्स देण्यामागे अनेक कारणे आहेत. सर्वात महत्त्वाचे कारण म्हणजे कमी जोखीम आणि जलद उत्पन्न. आधीच विश्वासार्ह असलेल्या ग्राहकांना कर्ज दिल्यास थकबाकी (Default) होण्याची शक्यता कमी असते. शिवाय, प्रक्रिया सोपी असल्याने बँकांचा ऑपरेशनल खर्चही कमी होतो. यासोबतच, प्री-अप्रूव्हड लोनमुळे बँका ग्राहकांना स्वतःकडे बांधून ठेवतात आणि क्रॉस-सेलिंगद्वारे क्रेडिट कार्ड, इन्शुरन्स किंवा गुंतवणूक उत्पादनेही विकू शकतात. (Pre Approved Loan)
=======
हे देखील वाचा :
ChatGPT ठेवते तुमची संपूर्ण माहिती? या ट्रिक्स वापरून खासगी डेटा ठेवा सुरक्षित
Aadhar-PAN Card Link : आधार कार्ड पॅन कार्डला लिंक नाही? मिनिटांत कळेल, वाचा या ट्रिक्स
Tech Tips : 4GB की 12GB रॅम? स्मार्टफोन खरेदी करताना या गोष्टी लक्षात ठेवा, वायफळ खर्च वाचेल
========
ग्राहकांनी काय काळजी घ्यावी?
जरी Pre Approved Loan आकर्षक वाटत असले, तरी ग्राहकांनी विचारपूर्वक निर्णय घेणे आवश्यक आहे. अनेकदा या कर्जांवर व्याजदर सामान्य लोनपेक्षा जास्त असू शकतात. तसेच प्रोसेसिंग फी, प्री-पेमेंट चार्जेस आणि लपलेले शुल्क तपासणे गरजेचे आहे. फक्त ऑफर आहे म्हणून कर्ज घेणे टाळावे आणि प्रत्यक्ष गरज असल्यासच Pre Approved Loan स्वीकारावा. योग्य नियोजन न केल्यास हे कर्ज आर्थिक तणाव वाढवू शकते.
Latest Marathi News | News in Marathi | Live news Updates in Marathi on Trending Topics
