UPI Credit Line : डिजिटल पेमेंटमध्ये भारताने गेल्या काही वर्षांत झपाट्याने प्रगती केली आहे. UPI मुळे व्यवहार क्षणात पूर्ण होतात, त्यातच आता UPI Credit Line ही सुविधा उपलब्ध होत आहे. यामुळे वापरकर्त्यांना बँकांकडून दिल्या जाणाऱ्या क्रेडिट लाइनला थेट UPI अॅपशी जोडण्याची सुविधा मिळते. पारंपरिक क्रेडिट कार्डप्रमाणेच पैसे लगेच वाटेतून घेऊन नंतर परत करण्याची सुविधा ही आहे, पण त्यासाठी क्रेडिट कार्डची गरज नाही. त्यामुळे डिजिटल व्यवहार आणखी सुलभ, वेगवान आणि क्रेडिट उपलब्धता अधिक सोपी होत आहे.
UPI Credit Line म्हणजे काय?
UPI Credit Line ही वास्तविक अर्थाने एक पूर्व-मंजूर क्रेडिट मर्यादा (Pre-approved credit limit) असते, जी बँक तुम्हाला देते आणि ती UPI अॅपला लिंक होते. उदाहरणार्थ, बँक तुम्हाला 20,000 किंवा 50,000 रूपयांची क्रेडिट लाइन मंजूर करते. तुम्ही ही रक्कम आवश्यकतेनुसार UPI QR, UPI ID किंवा मोबाईल नंबरने पेमेंट करताना वापरू शकता. पारंपरिक कर्जाप्रमाणे प्रक्रिया वेळ, कागदपत्रे किंवा विलंब नसतो. वापरकर्ते जेवढी रक्कम वापरतील, त्यावरच व्याज लागू होते. म्हणजेच ही सुविधा लवचिक, जलद आणि सोपी आहे.
UPI Credit Limit
UPI Credit Line चे फायदे
UPI Credit Line मुळे सर्वात मोठा फायदा म्हणजे कॅशलेस व्यवहार अधिक सोपे होतात. अचानक पैसे संपले तरी पेमेंट थांबत नाही, कारण क्रेडिट लाइन तुम्हाला तात्काळ मदत करते. छोटी-छोटी गरज, बिल, मेडिकल खर्च किंवा ऑनलाइन शॉपिंग सहज करता येते. याशिवाय क्रेडिट कार्ड नसलेल्या किंवा कार्डसाठी पात्र नसलेल्या लोकांनाही क्रेडिटची सुविधा मिळते, हा मोठा बदल आहे. UPI वापराचे पारदर्शक आणि सुरक्षित तंत्रज्ञान असल्याने व्यवहार सुरक्षित राहतात. तसेच वापरलेल्या रकमेवरच व्याज आकारण्याची सुविधा असल्याने भार कमी राहतो.
==========
हे देखील वाचा :
Lord Shiva : भगवान शिव आणि विष्णू यांची एकत्र पूजा केले जाणारे भारतातील एकमेव लिंगराज मंदिर
True Crime Story : फक्त ८ मिनिटांत त्यांनी ८२० कोटी चोरले…तेही दिवसाढवळ्या!
=========
UPI Credit Line चे तोटे किंवा मर्यादा
UPI Credit Line जितकी उपयुक्त तितकीच काळजीपूर्वक वापरण्याची गरज आहे. ही क्रेडिट सुविधा असल्यामुळे जास्त खर्च करण्याची सवय लागू शकते, ज्यामुळे नंतर कर्जाचा भार वाढू शकतो. वेळेवर परतफेड न केल्यास व्याज आणि दंड लागू शकतो, तसेच क्रेडिट स्कोअर खराब होण्याची शक्यता असते. सर्व बँका किंवा UPI अॅप्स ही सुविधा देत नसल्याने उपलब्धता मर्यादित असू शकते. शिवाय व्याजदर बँकेनुसार वेगवेगळे असतात. त्यामुळे वापरण्यापूर्वी अटी व शर्ती काळजीपूर्वक वाचणे अत्यावश्यक आहे.
ही सुविधा कोणासाठी उपयुक्त?
मध्यम खर्च करणारे, छोट्या-छोट्या गरजांसाठी लवचिक क्रेडिटची गरज असणारे, तसेच क्रेडिट कार्ड नसलेल्या वापरकर्त्यांसाठी ही सुविधा अत्यंत उपयुक्त आहे. फ्रीलान्सर्स, विद्यार्थी, लहान व्यवसाय करणारे यांना तातडीच्या गरजांसाठी छोटा क्रेडिट सपोर्ट मिळू शकतो. मात्र ज्या व्यक्तींची खर्चावर नियंत्रण ठेवण्याची क्षमता कमी आहे किंवा ज्यांना कर्ज व्यवस्थापनात अडचण येते, त्यांनी सावधपणे वापर करावा. नियोजनबद्ध परतफेड आणि जबाबदार वापर केल्यास UPI Credit Line हा अत्यंत आधुनिक आणि उपयुक्त पर्याय ठरू शकतो.
Latest Marathi News | News in Marathi | Live news Updates in Marathi on Trending Topics
