भारतात अशी अनेक रहस्यमय मंदिरे आहेत, ज्यांचे रहस्य शोधण्यात आजचे आधुनिक तंत्रज्ञानही कमी पडले आहे. अशाच रहस्यमय मंदिरामध्ये छत्तीसगड येथील एक दिवसीय मंदिराचा उल्लेख करण्यात येतो. एक दिवसीय मंदिर म्हणजे, या मंदिराचे दरवाजे वर्षातून फक्त 12 तासांसाठी उघडण्यात येतात. छत्तीसगडमधील कोंडागाव येथील लिंगेश्वरी मातेचे हे मंदिर वर्षातून ठराविक मुहूर्तावर उघडण्यात येते. त्यानंतर सायंकाळी मंदिराचे दरवाजे बंद झाल्यावर भाविकांना या देवीचे दर्शन घेण्यासाठी पुन्हा वर्षभर प्रतीक्षा करावी लागते. छत्तीसगडमधील घनदाट जंगलात असलेल्या या मंदिराचे दरवाजे जेव्हा उघडण्यात येतात, तेव्हा त्यामध्ये कुठली चिन्ह आहेत, याचीही भाविकांना उत्सुकता असते. या मंदिरात जी चिन्ह असतात, त्यावरुन भावी वर्ष कसे जाईल, याचे भविष्य सांगण्यात येते. मंदिरामध्ये कमळाचे चित्र दिसणे हे अत्यंत शुभ लक्षण मानले जाते. (Chhattisgarh)
देशभरात देवीची अनेक मंदिरे आहेत. काही दिवसातच सुरु होणा-या नवरात्रौत्सवासाठी या मंदिरांची सजावट करण्यात येत आहे. या सर्व मंदिरांमध्ये छत्तीसगड येथील देवीचे एक अनोखे मंदिर चर्चेत आले आहे. छत्तीसगडमधील माता लिंगेश्वरीचे हे अनोखे मंदिर वर्षातून फक्त 12 तास भाविकांसाठी खुले केले जाते. हा मंदिराचे दरवाजे उघडण्याचा सोहळाही खूप मोठा होतो. यासाठी छत्तीसगडसह देशाच्या अन्य भगातूनही मोठ्या संख्येने भाविक येतात. छत्तीसगडमधील कोंडागाव जिल्ह्यातील अलोर गावात डोंगराच्या कुशीमध्ये हे मंदिर आहे. लिंगेश्वरी माता मंदिर जिथे आहे, तो भाग घनदाट झाडींनी झाकलेला आहे. एऱवी या भागात एकट्या-दुकट्या माणसाला जायलाही भीती वाटते. मात्र जेव्हा या मंदिराचे दरवाजे खुले होतात, तेव्हा हजारो भाविक मातेच्या दर्शनासाठी या घनदाट जंगलात पायपीट करतात. भाद्रपद नवमीनंतर पहिल्या बुधवारी फक्त एका दिवसासाठी या मंदिराचे दरवाजे खुले होतात. (Social News)
त्यामुळे या मंदिराला ‘एक दिवसाचे मंदिर’ असेही म्हणतात. लिंगेश्वरी मातेवर भाविकांची खूप श्रद्धा आहे. या मंदिरात देवीकडे मागितलेली प्रत्येक इच्छा पूर्ण होते असे भाविक सांगतात. या मंदिरात लिंगेश्वरी मातेला काकडीचा प्रसाद दाखवला जातो. तोच प्रसाद पुन्हा भाविकांना दिला जातो. या एक दिवसाच्या मंदिरातील देवीचे दर्शन घेण्यासाठी 5 किमी पर्यंत भाविकांची रांग लागते. साधारण 50 हजारहून अधिक भाविक देवीचे दर्शन घेतात. या मंदिराचा दरवाजा उघडण्याचा सोहळाही देखणा असतो. माँ लिंगेश्वरीच्या गुहेचा दरवाजा दरवर्षी भाद्रपद च्या नवमी तिथीच्या पहिल्या बुधवारी पहाटे 5 वाजता वाद्यांच्या गजरात आणि देवीच्या जयजयकारात उघडण्यात येतो. हा दरवाजा उघडण्यापूर्वी मंदिराचे पुजारी विधीपूर्वक पूजा करतात. ज्या ठिकाणी लिंगेश्वरी मातेची गुहा आहे, तो भाग पूर्वी नक्षलग्रस्त होता. पण आत्ताही या भागात भाविकांना एकट्यानं जाण्यास मनाई करण्यात येते. (Chhattisgarh)
मंदिर उघडण्यापूर्वी हा सर्व भाग स्थानिक पोलीस आणि सुरक्षा यंत्रणा ताब्यात घेते. या लिंगेश्वरी मातेचे गुहेमध्ये असलेल्या मंदिरात प्रवेश करतांना टेकडीवर ठेवलेला दगड काढून टाकला जातो. या मंदिरात भगवान शिव आणि पार्वतीची मूर्ती स्थापित आहे. म्हणूनच याला लिंगेश्वरी असे म्हणतात. मंदिराचे दरवाजे उघडण्याचा सोहळा होतानाच मंदिरावरील वाळूवर पुजा-यांचे लक्ष असते. कारण हा दरवाजा बंद करण्यापूर्वी मंदिरात वाळू पसरली जाते. वर्षानंतर जेव्हा गुहा उघडली जाते तेव्हा पुजारी त्या वाळूवर बनवलेल्या पावलांचे ठसे पाहून भाकीत पुढील वर्ष कसे जाणार याचे भाकीत करतात. या वाळूवर कमळाचे चिन्ह आले तर ते समृद्धीचे लक्षण मानले जाते. तसेच किंवा मांजरीच्या पावलांचे ठसे असतील तर ते संकटाचे प्रतीक मानले जाते. (Social News)
=======
Andhra Pradesh : श्री यागंती उमा महेश्वर मंदिरातील नंदीचे रहस्य !
=======
छत्तीसगडच्या घनदाट जंगलात माता लिंगेश्वरीची ही गुहा कशी मिळाली, याबाबतही एक कथा सांगितली जातो. काही वर्षापूर्वी एक शिकारी सशाचा पाठलाग करत या गुहेच्या दारापर्यंत आला. पण तिथे आल्यावर ससा अचानक गायब झाला. शिका-यानं शोधल्यावर त्याला तिथे ही गुहा सापडली आणि त्यात शिवलिंग आणि मातेची मूर्ती मिळाली. पुढे या शिका-याच्या स्वप्नात मातेनं दर्शन दिले आणि माझी पूजा वर्षातून फक्त एक दिवस केली जाईल, असे सांगितले. तेव्हापासून या मंदिरात वर्षातून फक्त 12 तास पूजा-अर्चना केली जाते. या गुहेमध्ये अन्य काय आहे, याचा शोध घेण्याच अनेकवेळा प्रयत्न करण्यात आला आहे. 200 वर्षापासून येथे माता लिंगेश्वरीची पूजा केली जाते. मातेचे मंदिर गुहेच्या आत आहे. गुहा खूप अरुंद असली तरी, भाविक येथे पूजा करण्यासाठी अगदी सहजपणे पोहोचतात. रहस्यांनी भरलेल्या या गुहेमध्ये अन्य काय आहे, याचा शोध घेण्याचा अनेकांनी प्रयत्न केला, पण त्यात अपयश आले आहे. (Chhattisgarh)
सई बने
Latest Marathi News | News in Marathi | Live news Updates in Marathi on Trending Topics
