रक्षाबंधन अवघ्या दोन दिवसांवर येऊन ठेपले आहे. सर्वच बहिणीची जय्यत तयारी चालू असेल. या दिवशी बहीण भावाला राखी बांधते आणि त्याच्या आवडीचे पदार्थ करून त्याला खाऊ घालते. विवाहित महिलांकडे भाऊ या दिवशी राखीसाठी जातो. बहीणीदेखील भावाचा पाहुणचार जोरदार करतात. आता सण म्हटल्यावर गोडाचे पदार्थ आलेच. कायम सणाला आपण बाहेरून देखील तेच पदार्थ आणतो. मात्र घरी स्वतःच्या हाताने बनवलेली पदार्थांची चव आणि मजा औरच असते. यात आपले प्रेम देखील उतरलेले असल्याने हे पदार्थ वेगळेच सुख देऊन जातात. आज आम्ही तुम्हाला रक्षाबंधनाच्या निमित्ताने तुमच्या भावासाठी अशा काही गोड पदार्थांच्या रेसिपी सांगणार आहोत ज्या तुम्ही केल्यात तर नक्कीच तुमचा भाऊ खाऊन तृप्त होईल. मुख्य म्हणजे या रेसिपी करायला अगदी सोप्या आणि कमी साहित्यात होणाऱ्या आहेत. (Todays Marathi Headline)
मलई पेढा
साहित्य : २ कप दूध पावडर, १ कप साखर, १/२ कप दूध, २ चमचे तूप, १/४ चमचा वेलची पावडर, आवडते ड्रायफ्रुटस
कृती :
एका जाड बुडाच्या नॉनस्टिक पॅनमध्ये एक चमचा तूप गरम करा आणि त्यात दूध पावडर टाका. नंतर त्यात गरम केलेले दूध-साखर मिश्रण घाला आणि नीट मिसळा. हे मिश्रण एकजीव होईपर्यंत मध्यम आचेवर सतत हलवत रहा. ते हळूहळू घट्ट होण्यास सुरुवात होईल. मिश्रण चांगले घट्ट झाले की त्यात वेलची पावडर टाका. आता गॅस बंद करा आणि मिश्रण थोडं थंड होऊ द्या. हे मिश्रण कोमट असताना त्याचे छोटे छोटे गोळे करा आणि त्याला पेढ्याचा आकार द्या. वर बदाम/पिस्ता लावून पेढा डेकोरेट करा. (Top Marathi News)
रबडी
साहित्य : १ लिटर दूध, १/४ कप साखर, २ वेलची पावडर, आवडीचे ड्रायफ्रुटस, थोडे केशर
कृती:
एका जाड बुडाच्या भांड्यात दूध ओतून घ्या आणि ते मध्यम आचेवर गरम करायला ठेवा. दूध उकळू लागले की, मधेमधे ते चमच्याने हलवत राहा आणि भांड्याच्या बाजूला चिकटणारे क्रीम काढत राहा. दुधावर जेवढी साय किंवा मलई येईल ती चमच्याने काढत राहा. दूध अर्धे झाल्यावर त्यात साखर, वेलची पूड, ड्रायफ्रूटचे तुकडे , दुधात भिजवलेले केशर घाला. दूध अजून थोडे उकल्यानंतर त्यात सर्व साय मिक्स करून घ्या. ही राबडी छान फ्रिजमध्ये ठेवा आणि थंड होऊ द्या. जेवताना त्यावर अजून थोडे ड्रायफ्रूट टाकून वाढ.(Top Trending News)
दूध बर्फी
साहित्य: ३ लिटर दूध, १७० ग्राम साखर, ड्रायफ्रुटस, चिमूटभर सायट्रिक ऍसिड, २ चमचे तूप
कृती:
एका जाड बुडाच्या भांड्यात दूध ओतून घ्या. ते गरम करायला ठेवा आणि सतत ढवळत राहा. दूध थोडे गरम झाले की, त्यात चिमूटभर सायट्रिक ऍसिड टाका. गॅस बारीक ठेवा आणि सतत दूध हलवत राहा. सायट्रिक ऍसिडमुळे दूध हळूहळू फुटेल आणि रवाळ होईल. आता दूध १ लिटर होईल तेव्हा त्यात साखर घाला आणि पुन्हा ढवळा. हळूहळू या मिश्रणाचा रंग डार्क ब्राऊन होईल. तेव्हा हे मिश्रण तूप लावलेल्या प्लेटमध्ये ओता आणि थापून घ्या. थंड झाल्यावर त्याच्या वड्या पाडा आणि वर ड्रायफ्रुटस टाका.(Latest Marathi News)
मिल्क पावडर बर्फी
साहित्य: मिल्क पावडर – १ कप, साखर पावडर – ½ कप, तूप – २ चमचे, थोडं दूध – २-३ चमचे
कृती:
एका भांड्यात मिल्क पावडर, साखर पावडर आणि तूप एकत्र करून मिक्स करा. थोडं थोडं दूध घालत हाताने मळून गोळा तयार करा. तो गोळा ताटात पसरवून वरून ड्रायफ्रुट्स लावा आणि अर्धा तास सेट होऊ द्या. नंतर कापा. (Social News)
=========
हे देखील वाचा : Narali Purnima : जाणून घ्या नारळी पौर्णिमा सणाचे महत्व
Rakshabandhan : भावा बहिणीचे प्रेमळ नाते अधोरेखित करणारे ‘रक्षाबंधन’
========
खोबऱ्याचे इंस्टंट लाडू
साहित्य: सुकं खोबरं – १ कप, कंडेन्स्ड मिल्क – ½ कप, वेलची पावडर – १ चमचा
कृती:
एका भांड्यात खोबरं आणि कंडेन्स्ड मिल्क एकत्र करा. त्यात वेलची पावडर घालून घट्टसर मिश्रण बनवा. हातावर थोडं तूप लावून छोटे लाडू वळा आणि वरून थोडं खोबरं लावून सजवा.
Latest Marathi News | News in Marathi | Live news Updates in Marathi on Trending Topics
