General Knowledge : ब्रिटीश साम्राज्याच्या विस्तारामागे केवळ राजकीय आणि लष्करी सत्ता नसून सांस्कृतिक, ऐतिहासिक आणि आर्थिक संपत्तीवरही त्यांचा मोठा डल्ला होता. इंग्रजांनी आपल्या वसाहती काळात जगभरातील अनेक देशांमधून मौल्यवान दागदागिने, ऐतिहासिक वस्तू, शस्त्रास्त्रे, हस्तलिखितं आणि कलाकृती लुटून नेल्या. विशेषतः भारत, इजिप्त, आफ्रिका आणि ग्रीस यांसारख्या देशांची सांस्कृतिक संपत्ती त्यांनी मोठ्या प्रमाणावर ओरबाडली आहे.
सर्वात प्रसिद्ध उदाहरण म्हणजे कोहिनूर हिरा. हा हिरा मूळतः भारतात आंध्र प्रदेशातील गोलकोंड्याच्या खाणीत सापडला होता. अनेक शतकांमध्ये तो मुघल, अफगाण, सिख शासकांकडे गेला आणि अखेर महाराजा रणजितसिंह यांच्याकडे आला. मात्र 1849 मध्ये पंजाब इंग्रजांकडे गेल्यानंतर, लाहोर कराराअंतर्गत इंग्रजांनी कोहिनूर हिरा जबरदस्तीने घेऊन तो राणी व्हिक्टोरियाला दिला. आजही तो ब्रिटनच्या टॉवर ऑफ लंडन येथील राजमुकुटात जडवलेला आहे.
भारताव्यतिरिक्त, इजिप्तमधूनही इंग्रजांनी अनेक ऐतिहासिक वस्तू आणि ममीज लुटल्या. प्राचीन इजिप्शियन संस्कृतीचे अमूल्य पुरावे असलेली शेकडो वस्तू आजही ब्रिटिश म्युझियममध्ये आहेत. यामध्ये फाराओंचे मुखवटे, देवतांचे पुतळे, स्फिंक्ससारख्या शिल्पांचा समावेश आहे. इजिप्तने या वस्तू परत मागितल्या आहेत, मात्र ब्रिटनने त्यावर अजूनही कोणतीही ठोस कार्यवाही केली नाही.
General Knowledge
याशिवाय, ग्रीसच्या पॅर्थेनॉन मंदिरातून एल्गिन मार्बल्स (Elgin Marbles) नावाची संगमरवरी शिल्पं इंग्रजांनी 19व्या शतकात उचलली आणि ब्रिटिश म्युझियममध्ये नेऊन ठेवली. ग्रीस सरकारने अनेकदा ही शिल्पं मागितली आहेत, पण ब्रिटनने अजूनही त्याची परतफेड केलेली नाही. अशाच प्रकारे नायजेरिया, घाना, दक्षिण आफ्रिका या देशांमधूनही मौल्यवान हस्तकला, मुखवटे, राजमुकुट, सोन्याचे दागिने यांची लूट केली गेली आहे.(General Knowledge)
=========
हे देखील वाचा :
Vice President of India : देशाच्या उपराष्ट्रपती पदासाठी कशी निवड होते? घ्या जाणून
Yogendra Singh Yadav : शरीरात १५ गोळ्या तरी युद्ध जिंकवलं !
Rajguru : राजगुरूंनी शेर मारला सगळेच शांत…मग झालं असं काही…
==========
तर इंग्रजांनी आपल्या वसाहतवादी धोरणांतर्गत केवळ सत्ता आणि संसाधनेच नव्हे तर देशांच्या अस्मिता आणि सांस्कृतिक ठेवाही ओरबाडला आहे. आज अनेक देश इंग्लंडकडून आपल्या ऐतिहासिक वस्तू परत मागत आहेत. परंतु ब्रिटन सरकार याबाबत फारच संथ आणि नकारात्मक भूमिकेत आहे. कोहिनूरसारख्या मौल्यवान वस्तू फक्त ऐतिहासिकच नव्हे तर राष्ट्रीय अभिमानाचे प्रतीक असल्यामुळे त्याची परतफेड ही न्याय्यतेच्या दृष्टीने अत्यावश्यक आहे.
Latest Marathi News | News in Marathi | Live news Updates in Marathi on Trending Topics
