एका वर्षात ३६५ दिवस असतात आणि प्रत्येक दिवस हा २४ तासांचा असतो. अर्थात वर्षातले ३६५ दिवस हे एकसारखेच असतात. मात्र तुम्हाला जाणून आश्चर्य वाटेल की वर्षातला एक असा दिवस आहे, जो सर्वात मोठा आहे. हा दिवस आहे २१ जून. २१ जून हा उत्तर गोलार्धातील सर्वात मोठा दिवस असतो. ही एक खगोलीय घटना आहे, मात्र जगभरातील अनेक संस्कृती आणि धर्मांमध्ये या दिवसाला खास महत्व आहे. (Marathi News)
२१ जून हा सर्वात मोठा दिवस असण्याचे वैज्ञानिककारण म्हणजे पृथ्वी ही तिच्या अक्षाकडे सुमारे २३.५ अंशांवर झुकलेली आहे. पृथ्वीचा हा कल ऋतू बदलण्याचे मुख्य कारण आहे. जेव्हा पृथ्वी सूर्याभोवती कक्षेत फिरते तेव्हा २१ जूनला उत्तर गोलार्ध सूर्याकडे सर्वात जास्त झुकलेला असतो. यादिवशी सूर्याची किरणे थेट उत्तर गोलार्धात असलेल्या कर्क रेषेवर पडतात. त्यामुळे या दिवशी सूर्यप्रकाश जास्त काळ टिकतो आणि रात्र लहान होते. म्हणूनच २१ जून हा उत्तर गोलार्धातील सर्वात मोठा दिवस आणि दक्षिण गोलार्धातील सर्वात लहान दिवस असतो. (Todays Marathi HEadline)
दिल्ली किंवा उत्तर भारतात २१ जून हा दिवस सामान्यतः दिवस आणि रात्र समान असतात, तेव्हा ते प्रत्येकी १२ तासांचे असतात. परंतु २१ डिसेंबरनंतर, रात्री लहान आणि दिवस मोठे व्हायला सुरुवात होते. त्यानुसार सर्वात मोठा दिवस २१ जून आहे. २१ जूननंतर दिवसाची लांबी हळूहळू कमी होऊ लागते. दरम्यान २१ जून २०२५ हा दिवस १४ तासांच्या आसपास असतो. अशी घटना वर्षातून दोनदा घडते. जसा सूर्य उत्तरेकडे सरकतो, उत्तर गोलार्धात दिवसाची लांबी वाढते आणि रात्र लहान होते. (Top Marathi News)
सूर्याचे ग्रहण आणि खगोलीय विषुववृत्त वर्षातून दोनदा एकमेकांना छेदतात. हे दिवस २१ जून आणि २१ डिसेंबर आहेत. २१ जून हा वर्षातील सर्वात मोठा दिवस असतो. २२ जूनपासून दिवसाची लांबी कमी होऊ लागते. तर २१ डिसेंबर हा वर्षातील सर्वात लहान दिवस असतो. तेव्हापासून दिवसाची लांबी वाढू लागते. उन्हाळी संक्रांती २१ जून रोजी असते. हिवाळी संक्रांती २१ डिसेंबरपासून सुरू होते. (Marathi Latest News)
२१ जूनला काही भागांमध्ये ग्रीष्म संक्रांत साजरी केली जाते. जगभरातील विविध संस्कृतींमध्ये हा दिवस पीक काढणीशी जोडला गेला आहे. इजिप्शियन, मायान आणि नवपाषाण संस्कृतींमध्ये या दिवसाला खास महत्त्व देण्यात आले आहे. ही एक आकर्षक खगोलीय घटना आहे. काही संस्कृतींमध्ये हा दिवस नृत्य करुन आणि गोडधोड मेजवानीसह साजरा केला जातो. नॉर्वे, फिनलंड, ग्रीनलंड, अलास्का आणि उत्तर ध्रुवाजवळ इतर प्रदेशांमध्ये याच सुमारास ‘मिडनाईट सन’ म्हणजे मध्यरात्रीही सूर्य पहायला मिळतो. तर आर्क्टिक प्रदेशातल्या भागांमध्ये सूर्यास्तच होत नाही. पृथ्वी अक्षामधून कललेली असल्याने हे घडतं. (Top Stories)
जगातील बऱ्याच देशांमध्ये २१ जूनचा दिवस ऋतुबदलाचा दिवस मानला जातो. आपल्या मराठी पंचांगांमध्येही २१ जून या दिवसाची नोंद ‘वर्षा ऋतू प्रारंभ’ अशी केलेली असते. पश्चिमेतल्या देशांमध्ये २१ जूनच्या दिवशी ‘Spring’ म्हणजे वसंत ऋतू संपून ‘Summer’ म्हणजेच उन्हाळा सुरू होतो. हा उन्हाळा २१ वा २२ सप्टेंबरला Autumn Equinox ने संपतो. या दिवशी दिवस आणि रात्र समान तासांचे असतात. यानंतर पश्चिमेकडच्या देशांमध्ये Autumn म्हणजे पानगळीचा मोसम सुरू होतो. (Social News)
