Guard of Honor Protocol : पॅराग्वेचे राष्ट्रपती सॅंटियागो पेना पॅलासिओस (Santiago Peña Palacios) यांनी नुकताच भारत दौरा केला असून, त्यांच्या आगमनानंतर त्यांना दिल्लीच्या पालम विमानतळावर ‘गार्ड ऑफ ऑनर’ देण्यात आला. भारताचे पंतप्रधान नरेंद्र मोदी यांच्या निमंत्रणावरून आलेल्या या उच्चस्तरीय पाहुण्याचा भारतात अतिशय औपचारिक स्वागत करण्यात आले. हे त्यांचे भारतातील पहिले अधिकृत आगमन असून, पॅराग्वेच्या कोणत्याही राष्ट्रप्रमुखाचा भारतात झालेला हा दुसरा दौरा आहे. दिल्लीतील हैदराबाद हाऊस येथे पंतप्रधान मोदी आणि अध्यक्ष पेना यांच्यात विविध क्षेत्रांतील सहकार्याबाबत महत्त्वपूर्ण द्विपक्षीय चर्चा झाली.
यामुळेच अनेकांच्या मनात प्रश्न निर्माण होतो की, भारतात येणाऱ्या प्रत्येक परदेशी पाहुण्याला ‘गार्ड ऑफ ऑनर’ दिला जातो का? या सन्मानाच्या मागील प्रक्रियेबाबत काय नियम आहेत? याबाबत भारतात ठरावीक प्रोटोकॉलचे पालन केले जाते. हा सन्मान प्रत्येक परदेशी पाहुण्यासाठी नसून काही खास आणि उच्च दर्जाच्या पदाधिकार्‍यांसाठी राखून ठेवलेला असतो. केंद्रीय सरकार, विशेषतः संरक्षण मंत्रालय, या नियमांचे निर्धारण करते.(Latest Marathi News)
Guard of Honor Protocol
‘गार्ड ऑफ ऑनर’ ही एक लष्करी सन्मानप्रक्रिया असून, ती तिन्ही सैन्यदलांमधील 50 ते 100 सैनिकांच्या तुकडीद्वारे पार पाडली जाते. या तुकडीचे नेतृत्व कॅप्टन किंवा लेफ्टनंट स्तरावरील अधिकारी करतात. यामध्ये राष्ट्रध्वज आणि राष्ट्रगीताचा समावेश अनिवार्य असतो. या सन्मानाची प्रतिष्ठा उच्च असून, तो राष्ट्रपती, पंतप्रधान, उपराष्ट्रपती, संरक्षण मंत्री यांसारख्या देशातील सर्वोच्च पदाधिकार्‍यांना दिला जातो. याशिवाय, स्वातंत्र्य दिन, प्रजासत्ताक दिन यांसारख्या राष्ट्रीय महत्त्वाच्या प्रसंगीही हा सन्मान दिला जातो.(Trending News)
===========
हे ही वाचा :
पद्मनाभस्वामी मंदिरात 270 वर्षांनंतर महाकुंभभिषेकम का होणार?
इंटरपोल म्हणजे काय? किती प्रकारची नोटीस जारी करते, घ्या जाणून
=============
भारतात परदेशी राष्ट्रप्रमुख, पंतप्रधान, किंवा संयुक्त राष्ट्रसंघ, युरोपियन युनियन यांसारख्या आंतरराष्ट्रीय संस्थांच्या प्रमुखांना गार्ड ऑफ ऑनर देण्याची प्रथा आहे. त्यामुळेच पॅराग्वेचे अध्यक्ष सुद्धा या सन्मानाचे पात्र ठरले. त्यांचा हा दौरा व्यापार, गुंतवणूक, औषधनिर्माण, संरक्षण, खाण क्षेत्र यांसारख्या विविध महत्त्वाच्या मुद्द्यांवर सहकार्य वाढविण्याच्या दृष्टीने महत्त्वाचा ठरतो. दौऱ्यात त्यांनी भारतातील स्टार्टअप्स, नवोन्मेषकांशी संवाद साधण्याचा आणि तंत्रज्ञान क्षेत्रात भागीदारी वाढविण्याचा उद्देश बाळगला आहे.(Guard of Honor Protocol)
पॅराग्वेचे अध्यक्ष 2 जून ते 4 जून 2025 दरम्यान भारतात असतील. त्यांनी मुंबई दौऱ्यात उद्योगपती, तंत्रज्ञान क्षेत्रातील दिग्गज, स्टार्टअप संस्थापक यांच्याशीही संवाद साधण्याचे नियोजन केले आहे. अशा प्रकारे, पॅराग्वेच्या राष्ट्राध्यक्षांच्या दौऱ्याने भारत-पॅराग्वे संबंधांना नवीन दिशा मिळण्याची शक्यता आहे आणि त्यांना दिलेला गार्ड ऑफ ऑनर हे भारताच्या औपचारिक स्वागताची आणि परदेशी पाहुण्यांच्या सन्मानाची एक मोठी ओळख आहे.
