प्रत्येकजणला आपल्या जीवनात पुढे काय होणार आहे हे जाणून घेण्याची उत्सुकता असते. मग ते करिअरच्या बाबतीत असो, आरोग्याच्या बाबतीत असो, धन लाभाच्या बाबतीत असो की अगदी प्रेमाच्या बाबतीत… त्यामुळे हा आठवडा बारा राशींसाठी कसा असेल, कोणत्या राशींवर कुठल्या ग्रहांचा प्रभाव असेल हे जाणून घेऊयात…(Weekly Horoscope 13 Mar to 19 Mar)
मेष – राशीतील राहू हर्षल आणि नुकताच आलेला शुक्र, बुध आपल्या अंगभूत कलागुणांना चांगला वाव देणारे राहतील. समाजात नावलौकिक मिळेल मात्र कुसंगतीपासून दूर राहावे. आपल्या वाणीच्या प्रभावाने इतरांना आपलेसे कराल. तसेच आपली रेंगाळलेली महत्त्वाची कामे अतिशय सहजतेने आपल्या वाक्चातुऱ्याच्या जोरावर मार्गी लावण्यात यश येईल. आपल्या अंगभूत कलागुणांना चांगला वाव मिळेल. कवी, कलाकार यांना चांगल्या संधी चालून येतील. लेखकांच्या हातून दर्जेदार लिखाण होईल. वैयक्तिक उत्कर्षकारक घटना घडतील. नवीन व्यावसायिक संधी चालून येतील. सामाजिक प्रतिष्ठा उंचावेल अशी खरेदी केली जाईल.
शुभ दिनांक – 17 ते 19
वृषभ – आपल्या राशीच्या व्यवस्थानात नुकताच बुध, शुक्राने प्रवेश केलाा आहे. तर आपल्या सप्तमस्थानातून चंद्राचे भ्रमण होत आहे. जोडीदाराचे सहकार्य लाभेल. भागीदारी व्यवसायातून नवनवीन उपक्रम राबवले जातील. आपल्या आयुष्यात घडणाऱ्या नाविन्यपूर्ण चांगल्या घटनांमुळे सकारात्मकता वाढेल. अंधश्रद्धेला बळी पडू नका. प्रवासात वाहनांच्या वेगावर नियंत्रण ठेवावे. उच्च शिक्षणासाठी परदेशी जाण्याचा प्रयत्न करत असणाऱ्या विद्यार्थ्यांसाठी या आठवड्यातील ग्रहमान अनुकूल राहील. मनाजोग्या कॉलेजमध्ये प्रवेश मिळेल. कामानिमित्त प्रवास घडतील. धार्मिक स्थळांना भेटी द्याल. उत्तरार्धात कामाचा व्याप वाढणार आहे. अनेक सुसंधींचा लाभ घेता येईल.
शुभ दिनांक – 13, 14
मिथुन – लाभस्थानात राहू हर्षल वरून होणाऱ्या शुक्र आणि बुधाच्या युतीमुळे मित्र परिवाराचे चांगले सहकार्य लाभेल. परंतु व्यवसाय उद्योगात कोणालाही एखाद्या वचन देण्यापूर्वी विचार करावा. आपली इच्छापूर्ती होणाऱ्या घटना घडतील. कामाचा व्याप वाढल्यामुळे दैनंदिन कार्यक्रमात बदल करावे लागतील. प्रकृतीच्या तक्रारींकडे दुर्लक्ष करू नये. कुटुंबात शुभ समारंभाचे आयोजन केले जाईल. कुटुंबातील व्यक्तीसंबंधी स्वार्थाकांनी येतील. गृहसुशोभीकरणासाठी नवीन वस्तूंची खरेदी कराल. तसेच घराच्या नूतनीकरणासाठी खर्च करावा लागेल. जोडीदाराशी सुसंवाद साधाल. जोडीदाराकडून आर्थिक लाभ होतील. उत्तरार्धात कोणत्याही प्रलोभनांना बळी पडू नका.
शुभ दिनांक – 15, 16
कर्क – राशीतील मंगळ आपला उत्साह वाढवणारा राहील. पंचम स्थानातून चंद्राचे तर दशम स्थानातून बुध, शुक्राचे राहू हर्षल वरून होणारे भ्रमण आपल्याला सामाजिक लोकप्रियता देणारी राहील . बौद्धिक क्षेत्रातील व्यवसाय तसेच चैनीच्या वस्तू, सौंदर्यप्रसाधने, गृहपयोगी वस्तूंचा व्यवसाय करणारे व्यापारी यांच्यासाठी हा आठवडा उत्कर्षाचा राहील. कवी, कलाकारांना चाहत्यांकडून चांगली दाद मिळेल. तरुणांना नोकरीच्या सुसंधी लाभतील. आपल्या कामाची वरिष्ठांकडून प्रशंसा होईल. उत्तरार्धात जोडीदाराचे चांगले सहकार्य लाभेल. परदेश प्रवासातून लाभ होतील. व्यापार, उद्योगात नवीन कार्यारंभ केले जातील. जुनी येणी वसूल होतील. जुने आजार डोके वर काढण्याची शक्यता राहते.
शुभ दिनांक – 17 ते 19
सिंह – आठवड्याच्या सुरुवातीला आपल्या राशीच्या सुखस्थानातून चंद्राचे भ्रमण होत आहे. घरातील सुख सुविधा वाढवण्याच्या दृष्टीने नाविन्यपूर्ण खरेदी केली जाईल. गृह उद्योगातून लाभ होतील. मातृसौख्य लाभेल. संततीच्या उत्कर्षाची वार्ता कानी येईल. आपली इच्छापूर्ती होणाऱ्या घटना घडतील. पूर्वी केलेल्या गुंतवणुकीची पूर्तता झाल्यामुळे हाती पैसा येईल. व्यवसाय उद्योगातील जुनी येणी वसूल होतील. मनोरंजनाच्या कार्यक्रमातून आनंद घ्याल. भाग्यस्थानात आलेले बुध, शुक्र आपला उत्कर्ष करणारे राहतील. प्रवासातून लाभ होतील. इम्पोर्ट एक्स्पोर्टच्या व्यवसायातून कामाचा व्याप वाढेल. कामानिमित्त प्रवास घडतील. मामा मावशीच्या गाठीभेटीतून आनंद मिळेल. लेखक, कवी, कलाकार यांच्यासाठी हा आठवडा अनुकूल फलदायी ठरेल.
शुभ दिनांक – 18, 19
कन्या – आठवड्याच्या सुरुवातीलाच तृतीयस्थानातून होणाऱ्या चंद्र भ्रमणामुळे कामानिमित्त प्रवास घडतील. भावंडांची सुसंवाद साधाल. भावंडांचा एखादा महत्त्वाचा सल्ला आपल्याला लाखमोलाचा ठरेल. गृहसजावटीसाठी नवीन शोभेच्या वस्तूंची खरेदी केली जाईल. कुटुंबीयांचे सहकार्य लाभेल. विद्यार्थ्यांना स्पर्धा परीक्षातून यश प्राप्ती होईल. उच्च शिक्षणासाठी परदेशी जाण्याचे प्रयत्न करत असणाऱ्या विद्यार्थ्यांना यश लाभेल. नोकरी व्यवसायात आपल्या नेतृत्व शक्तीचा अनुभव येईल. उष्णतेच्या विकारांपासून त्रास संभवतो. उत्तरार्धात आर्थिक अडचणींना सामोरे जावे लागेल.
शुभ दिनांक – 14 ते 16
तूळ – आपल्या राशीच्या धनस्थानातून चंद्राचे भ्रमण होत आहे. व्यवसाय उद्योगातून चांगली आवक होईल. कोणतेही महत्त्वाचे निर्णय घेताना योग्य व्यक्तीचे मार्गदर्शन घ्यावे. स्थावर मालमत्तेच्या व्यवहारातून लाभ होतील. आपल्या सामर्थ्यापेक्षा जास्त मोठी कामे घेऊ नयेत. भावंडांशी सुसंवाद साधाल. कामानिमित्त घडणाऱ्या प्रवासात आपले खिसा पाकीट सांभाळावे. नवीन वाहन वास्तूचे योग येतील. आपल्या कार्यक्षेत्रात सहकाऱ्यांकडून मदत होईल. विद्यार्थ्यांना संशोधनपर अभ्यासक्रमातून यश लाभेल. करमणुकीच्या कार्यक्रमातून आनंद घ्याल. धार्मिक क्षेत्रात प्रगती होईल तीर्थस्थळांना भेटी द्याल.
शुभ दिनांक – 15 ते 17
वृश्चिक – आपल्याच राशीतून होणारे चंद्राचे भ्रमण आपल्या कर्तृत्वाला चांगला उजाळा देणारे राहील.आपल्या धाडसी आणि कल्पक विचारामुळे महत्त्वाच्या निर्णयांना योग्य दिशा मिळेल. हाती घेतलेल्या कामांची उशिरा तयारी करून सुद्धा आपण यशाची घोडदौड पार पाडता. नवीन कार्यारंभामुळे अनेक चांगल्या घटना घडणार आहेत. व्यवसाय उद्योगातून चांगली आवक होईल. कुटुंबीयांचे सहकार्य लाभेल. कुटुंबात शुभ समारंभाचे आयोजन केले जाईल. आपल्या मतांचा आदर होईल. कामानिमित्त होणाऱ्या प्रवासातून कार्यसिद्धी होईल. व्यवसाय वृद्धिंगत करण्यासाठी अनेकांच्या गाठीभेटी घेतल्या जातील. तज्ज्ञ व्यक्तींचे मार्गदर्शन लाभेल. उत्तरार्धात आईच्या प्रकृतीची काळजी वाटेल.
शुभ दिनांक – 13, 15
धनु – आठवड्याच्या सुरुवातीला आपल्या राशीच्या व्ययस्थानातून चंद्राचे भ्रमण होत असल्याने दूरच्या प्रवासाचे योग आहेत. उधारी उसनवारी टाळावी. जबाबदारीची कामे स्वीकारावी लागतील. आपल्या अंगभूत कलागुणांना चांगला वाव मिळेल. स्वकर्तृत्वाच्या बळावर मोठी मजल माराल. आशावादी वृत्ती व जीवनाबद्दल असणारी श्रद्धा यांचा अनुभव आपल्याला या आठवड्यात येणार आहे. हाती घेतलेली प्रत्येक गोष्ट योग्य पद्धतीने पार पाडण्यात यश आल्याने आनंदाला पारावर राहणार नाही. जुनी व्यावसायिक येणी वसूल होतील. आपल्या मेहनतीला योग्य न्याय मिळेल. कुटुंबात शुभ समारंभाचे आयोजन केले जाईल. भावंडांची चांगली साथ लाभेल.
शुभ दिनांक – 15 , 16
मकर – आठवड्याच्या सुरुवातीला लाभस्थानातून चंद्राचे भ्रमण होत आहे. आपल्या करड्या शिस्तीमुळे रेंगाळलेली
कामे पूर्ण करण्यासाठी मित्र परिवाराला सहकार्य कराल. सरकारी कामे मार्गी लागतील कोर्ट कचेरीच्या व्यवहारातून लाभ होतील. स्थावर मालमत्तेच्या व्यवहारात लक्ष घालून पूर्णत्वास नेण्याचा प्रयत्न कराल. सप्तम स्थानातील मंगळामुळे जोडीदाराची चांगली साथ लाभेल. आपली इच्छापूर्ती होणाऱ्या घटना घडतील. सामाजिक राजकीय क्षेत्रात चांगला नावलौकिक लाभेल. नवीन वाहन वास्तूचे योग येतील. कामानिमित्त प्रवास घडतील. इम्पोर्ट एक्स्पोर्टच्या व्यवसाय संबंधी कार्यारंभ केले जातील. जुनी व्यावसायिक आणि वसूल होतील. कुटुंबातील वडीलधाऱ्या व्यक्तीच्या प्रकृतीची काळजी वाटेल.
शुभ दिनांक – 17 ते 19
कुंभ – दशमस्थानातून होणारे चंद्राचे भ्रमण तरुणांना नोकरी व्यवसायाच्या दृष्टीने दिलासा देणारे राहील. हाती घेतलेले नवनवीन प्रकल्प यशस्वीपणे पार पाडता येतील. सार्वजनिक कामातून तसेच आंतरराष्ट्रीय व्यापारी कंपन्यातून नोकरीच्या संधी येतील. विद्यार्थ्यांना संशोधनपर अभ्यासक्रमातून यश लाभेल. बौद्धिक व्यवसाय तसेच यंत्रसामुग्री संबंधीचे शोध या विषयात गती मिळेल. मित्र परिवाराचे चांगले सहकार्य लाभेल. धार्मिक स्थळांना भेटी द्याल. अध्यात्मिक प्रगती होईल. उत्तरार्धात आपल्या वाक्चातुर्याच्या जोरावर मोठी मजल मारता येईल.
शुभ दिनांक – 18, 19
मीन – राशीतील रवी, गुरु आपल्या धार्मिक व मानी स्वभावाला खतपाणी घालणारे राहतील. शुभसमारंभात सक्रिय सहभाग घ्याल. अध्यात्मिक उन्नती होईल. त्यात भाग्यस्थानातून होणाऱ्या अनुकूल चंद्र भ्रमणामुळे हातून दानधर्म होईल. संत सज्जनांचा सहवास लाभेल. तरुणांना नोकरीच्या सुसंधी चालून येतील. नोकरीत वरिष्ठांची मर्जी संपादन कराल. सरकारी नोकरीसाठी प्रयत्न करत असणाऱ्या तरुणांना यश येईल. राजकीय, सामाजिक क्षेत्रात केलेल्या उत्तम कामामुळे आपली प्रतिष्ठा उंचावेल. प्रतिकूल वातावरणातून पुढे जाल. अनपेक्षित खर्च उद्भवू शकतो.
शुभ दिनांक – 14 ते 16
- श्री बालाजी ज्योतिषालय आणि वास्तू कन्सल्टन्सी, पुणे
9011149780 / 8668293104
टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.
