गणेशाच्या आगमनाने सुखकर झालेला आठवडा त्याच्या विसर्जनाने संपत आहे. येता आठवडा तुमच्या राशीसाठी कसा असणार हे जाणून घेऊया.
मेष – राशीच्या व्ययस्थानातून व्ययेश गुरुवरून चंद्राचे होणारे भ्रमण वातावरण आनंदी आणि उत्साही बनवणारे राहील. नवीन जबाबदाऱ्या स्वीकाराल. धाडसी निर्णय घेतले जातील वरिष्ठांच्या आशीर्वादाने कामे मार्गी लागतील. संत सज्जनांचा सहवास लाभेल. चालून आलेल्या नवीन संधीचे सोने कराल. जिभेचे चोचले पुरवाल. भविष्यासाठी मोठी गुंतवणूक केली जाईल. अनुभवी लोकांचा सल्ला उपयोगी पडेल. आठवड्याच्या उत्तरार्धात प्रवास योग घडतील.
शुभ दिनांक – 13, 14
वृषभ – आठवड्याच्या सुरुवातीला लाभस्थानातील गुरु वरून होणारे चंद्रभ्रमण सकारात्मक ऊर्जा वाढवणारे राहील. संत सज्जनांचा सहवास लाभेल. लक्ष्मीची कृपा झाल्याने जीवनात आर्थिक उत्कर्ष साधता येईल. मनस्वास्थ्य लाभेल. कामानिमित्त परदेश प्रवास घडतील. नवीन ओळखीतून व्यापार वृद्धिंगत करण्यात यश लाभेल. अनेकांचे सहकार्य मिळेल. मात्र मोठ्या प्रमाणावर आर्थिक उलाढाली टाळाव्यात. अनोळखी व्यक्तींवर विश्वास ठेवून महत्त्वाचे निर्णय घेऊ नयेत. कुटुंबातील सदस्यांचे सहकार्य लाभल्याने मोठ्या जोमाने काम कराल. उत्तरार्धात आपल्या कर्तृत्वाला चांगली झळाळी येईल. ग्रहमान अनुकूल असल्याने सर्व कामे सहजगत्या पार पाडणे सोपे होईल.
शुभ दिनांक – 15, 16
मिथुन – दशमस्थ गुरुवरून होणारे चंद्राचे भ्रमण तरुणांना नोकरी व्यवसायात सुसंधी देईल. जुन्या मैत्रीला उजाळा मिळेल. आपली इच्छापूर्ती होणार्‍या घटना घडतील. रेंगाळलेली सरकारी कामे ओळखीतून पूर्णत्वास जातील. महत्त्वाच्या कागदपत्रांवर सह्या करण्यापूर्वी योग्य व्यक्तीचे मार्गदर्शन घ्यावे नाहीतर फसवणूक होण्याची शक्यता संभावते. आपली मते इतरांवर लादू नका. कामानिमित्त प्रवास घडतील. विविध व्यावसायिक उपक्रम राबविण्यात यश लाभेल. येणारा काळ आपल्या उत्कर्षासाठी अनुकूल राहील तेव्हा मरगळ झटकून कामाला लागा.
शुभ दिनांक – 17, 18
कर्क – भाग्यात गुरू, दशमात राहू, हर्षल तर भाग्यात दशमेश मंगळ असे अतिशय शुभ फल देणारे ग्रहमान या आठवड्यात आपणास लाभले आहे. उद्योग-व्यवसायात होणारे अनुकूल बदल आपली ऊर्जा वाढवतील. सहकाऱ्यांच्या सहकार्याने, सल्ल्याने आपले ध्येय पूर्ण करता येईल. व्यवसायातून चांगली आवक होईल. अर्थार्जनासाठी नव्या कल्पना अंमलात आणाल. कुटुंबात आनंदी वातावरण राहील. जबाबदारीने कौटुंबिक कामे पार पाडाल. सामाजिक कार्यात सक्रिय सहभाग घ्याल. राजकारणी व्यक्तींकडून लोकहितार्थ निर्णय घेतले जातील. त्यामुळे सामाजिक पतप्रतिष्ठा उंचावेल.
शुभ दिनांक – 13, 14
सिंह – राशीतून रवी शुक्राचे, तर अष्टमस्थानातील गुरु चंद्राचे भ्रमण होत असल्यामुळे आपले मत ठाम मानण्याकडे कल ठेवावा लागेल. मनाची स्पष्टता महत्त्वाची राहील. हितशत्रूंच्या कारवायांना बळी पडू नका. कामानिमित्त प्रवास घडतील. मनोरंजनाच्या कार्यक्रमातून आनंद मिळेल. कवी कलाकारांसाठी अनुकूल फलदायी कालावधी आहे. गृह सुशोभीकरणासाठी खरेदी कराल. मौल्यवान वस्तूंची खरेदी केली जाईल. आपल्या अंगभूत कलागुणांना चांगला वाव मिळेल. दशमातील मंगळामुळे धाडसी निर्णय घेतले जातील. आपल्या कष्टांना योग्य न्याय मिळेल वरिष्ठांचे सहकार्य लाभेल.
शुभ दिनांक – 14, 15
कन्या – आपल्या राशीच्या सप्तम स्थानातील गुरुवरून चंद्राचे होणारे भ्रमण जोडीदाराचा उत्कर्ष करणारे राहील. भागीदारी व्यवसायातून नवीन संधी लाभतील. लोकहितार्थ कामे केली जातील प्रवासात मात्र गाडीच्या वेगावर नियंत्रण ठेवावे. आपले मनस्वास्थ्य बिघडेल अशा घटना घडण्याची शक्यताा संभवते म्हणून घडलेल्या प्रसंगावर शांतपणाने विचार करून मगच निर्णय घ्यावेत. धाडसी उपक्रम राबवले जातील. आठवड्याच्या उत्तरार्धात अनपेक्षित धनप्राप्ती होईल. नोकरी व्यवसायात कामाचा व्याप वाढेल. वरिष्ठांची मर्जी संपादन कराल.
शुभ दिनांक – 16, 17
तूळ – षष्टेश गुरुवरून होणारे चंद्राचेे भ्रमण तरुणांना नोकरीत सुसंधी देणारे राहील. जबाबदारीने मोठे निर्णय घ्याल. कामानिमित्त प्रवास घडतील. मातुल घराण्याशी सलोख्याचे संबंध राहतील. भागीदारी व्यवसायातून नवीन प्रकल्प राबवाल. जोडीदाराच्या उत्कर्षाची वार्ता कानी येईल. अष्टमस्थ मंगळामुळे महत्त्वाचे निर्णय घेताना डोक्यावर बर्फ आणि मुखात शर्करा ठेवून बोलावे लागेल, तरच कार्य सिद्धी जाईल. प्रकृतीच्या तक्रारींकडे दुर्लक्ष करू नये. उष्णतेचे विकार, पित्तविकार, मधुमेह यासंबंधी तक्रारी वाढण्याची शक्यता आहे.
शुभ दिनांक 18
वृश्चिक – आपल्या राशीच्या पंचमस्थानातील गुरु वरून चंद्राचे भ्रमण होत आहे. आपल्या वैयक्तिक उत्कर्षास या आठवड्यातील ग्रहमान अतिशय पूरक राहील. संतती संबंधीच्या चिंता दूर होतील. नवपरिणीतांना गोड बातमीची चाहूल लागेल. सामाजिक कार्यात सक्रिय सहभाग घ्याल. आपल्यातील महत्त्वाकांक्षा आणि आत्मविश्वास वाढल्याने मोठे निर्णय सहजपणे घेतले जातील. बड्या लोकांच्या ओळखीतून मध्यस्थीतून प्रलंबित कामे मार्गी लागतील. उत्तरार्धात गुंतवणुकीतून लाभ होतील.
शुभ दिनांक – 12, 13
धनु – सुखस्थानातून होणारे गुरुचंद्राचे भ्रमण आपल्या सुखात वृद्धी करणारे राहील. जीवनात सुख शांती समृद्धीची भरभराट होईल. कुटुंबात धार्मिक शुभ समारंभाचे आयोजन केले जाईल. संत सज्जनांचा सहवास लाभेल. गृहउद्योग तसेच लघु उद्योगातून नवीन संधी चालून येतील. आपले स्वप्न साकार होईल. पंचमस्थानातील राहू हर्षल संततीची मानसिकता बिघडवण्यास कारणीभूत ठरू शकतात तेव्हा वाद न घालता समजुतीने घेतल्यास फायदा होईल. नोकरीत वरिष्ठांची मर्जी राखून काम करावे लागेल. उष्णतेचे विकार तसेच पित्तविकाराचा त्रास होण्याची शक्यता संभवते. तेव्हा खाण्यापिण्यावर योग्य नियंत्रण ठेवावे.
शुभ दिनांक – 14, 15
मकर – राशीच्या पराक्रम स्थानातील गुरुवरून चंद्राचे भ्रमण होत आहे. सुख-समृद्धीचे तसेच जीवनात आनंद येण्याचे योग दिसत आहेत. लक्ष्मी प्रसन्न झाल्याने आर्थिक समस्या दूर होतील. व्यापार व्यवसायाच्या दृष्टीने अनुकूल घडामोडी घडतील. गृहसजावटीसाठी वेळ द्याल, तसेच वाहन वास्तूचे योग आपल्या सुखात वृद्धी करणारे राहतील. मौल्यवान वस्तूंची खरेदी होईल. संततीच्या उत्कर्षाची वार्ता कानी येईल. धाडसी निर्णय घेतले जातील. कला-क्रीडा क्षेत्रातील व्यक्तींना प्रसिद्धीच्या झोतात राहण्याचे योग येतील. आपल्या अंगभूत कलागुणांना चांगला वाव मिळेल. मनस्वास्थ लाभेल.
शुभ दिनांक – 16, 17
कुंभ – आठवड्याच्या सुरुवातीला धनेश गुरुवरून चंद्राचे भ्रमण आपली आवक वाढवणारी राहील. पूर्वी केलेल्या गुंतवणुकीची पूर्तता झाल्यामुळे हाती पैसा खेळेल. धार्मिक शुभकार्यात सहभागी व्हाल. कुटुंबातील सदस्यांच्या गाठीभेटीमुळे मनस्वी समाधान लाभेल. तृतीय स्थानातील राहू हर्षल अनपेक्षित प्रवासयोग घडवतील. वाहन जपून चालवावे. विद्यार्थ्यांना स्पर्धा परीक्षात यश लाभेल. सुखस्थानातील मंगळामुळे उत्तरार्धात इलेक्ट्रॉनिकच्या वस्तूंची घरात खरेदीेली जाईल. जुन्या मैत्रीला उजाळा मिळेल. आपली इच्छापूर्ती होणाऱ्या घटना घडतील.
शुभ दिनांक – 16, 17
मीन – आपल्याच राशीतून राशीस्वामी गुरू वरून चंद्राचे भ्रमण होत आहे. आपल्या कार्यक्षेत्रात नवीन संधी चालून येतील. नवीन जबाबदाऱ्या स्वीकाराव्या लागतील. व्यापार वृद्धिंगत करण्यासाठी जोडीदाराचे सहकार्य लाभेल. राजकारण, समाजकारण या सारख्या क्षेत्रांमध्ये भरघोस यश मिळेल. आपल्या हौसे-मोजेसाठी वेळ देता येईल. पराक्रम स्थानातील मंगळामुळे धाडसी निर्णय घेतले जातील. नोकरीत वरिष्ठ आपल्या कामावर खुश असल्यामुळे आपल्या कामाची प्रशंसा होईल. बढती बदलीचे योग येतील. उत्तरार्धात घरात सासुरवाडीकडील पाहुण्यांची वर्दळ राहील.
शुभ दिनांक – 13, 14
- श्री बालाजी ज्योतिषालय आणि वास्तू कन्सल्टन्सी, पुणे
9011149780 / 8668293104
टीप : या लेखातील माहिती आणि मते ही सर्वस्वी लेखकाची आहेत. क फॅक्टस टीम याची पुष्टी करत नाही. तसेच लेखकाच्या मतांशी आम्ही सहमत असू असेही नाही.
