Kitchen Tips : पावसाळा म्हणजे गारवा, आल्हाददायक वातावरण, पण त्यासोबतच दमटपणा आणि ओलावा यामुळे घरातील अन्नधान्य, विशेषतः गव्हाचे पीठ, बेसन, तांदळाचे पीठ इत्यादी वस्तूंमध्ये किडे आणि बुरशी येण्याची शक्यता वाढते. एकदा का किडे लागले की त्या पीठाचा उपयोग होणे अशक्यच नाही, तर आरोग्यासाठीही घातक ठरते. त्यामुळे या ऋतूमध्ये योग्य खबरदारी घेणे आवश्यक आहे. खाली दिलेले काही घरगुती आणि नैसर्गिक उपाय अवलंबल्यास आपण सहजपणे पीठ किडांपासून सुरक्षित ठेवू शकतो.
१. हवाबंद डब्यांचा वापर करा
पावसाळ्यात ओलावा जास्त असल्याने पीठ मोकळ्या हवेत किंवा प्लास्टिकच्या पिशवीत ठेवल्यास त्यात आर्द्रता शोषली जाते आणि त्यामुळे किडे वाढतात. यासाठी स्टील किंवा काचेचे हवाबंद डबे वापरणे अधिक सुरक्षित ठरते. अशा डब्यांचे झाकण चांगले बंद होणारे असावे.
२. पीठ साठवण्याआधी सुकवून घ्या
बाजारातून आणलेले पीठ कधी कधी आधीच थोडं ओलसर असतं. त्यामुळे घरात आणल्यावर ते काही वेळ उन्हात किंवा कोरड्या, हवेशीर ठिकाणी पसरवून सुकवावे आणि मगच डब्यात साठवावे. यामुळे ओलाव्यामुळे वाढणाऱ्या किड्यांचा धोका कमी होतो.
Flour Store Remedies in Monsoon
३. लवंग, दालचिनी किंवा काळी मिरी वापरा
किडे आणि बुरशी यांना विशिष्ट वास सहन होत नाही. म्हणून डब्यात थोड्या प्रमाणात लवंग, दालचिनीचे तुकडे, काळी मिरी किंवा कोरडं लसूण ठेवावा. हे पदार्थ नैसर्गिक कीटकनाशकासारखे काम करतात.
४. बोरो कॅम्प आणि साखर वापर
खास करून गव्हाच्या पीठात बोरो कॅम्प वापरले जातात. यामुळे किड्यांचे आकर्षण कमी होते. काही जणी थोडी साखरही पीठात टाकतात कारण किड्यांना साखरेऐवजी इतर पीठाकडे लक्ष द्यायला भाग पाडते. (Latest Marathi Tips)
५. रेफ्रिजरेटर किंवा थंड ठिकाणी साठवणूक
पावसाळ्यात जास्त दिवस साठवले जाणारे पीठ फ्रिजच्या डब्बा विभागात ठेवणे उपयुक्त ठरते. थंड तापमानामुळे किड्यांचे अंडी निष्क्रिय राहतात आणि पीठ खराब होत नाही.(Flour Store Remedies in Monsoon)
============
हे ही वाचा :
Ashadh : आषाढ तळणीच्या खास परंपरेबद्दल तुम्हाला माहित आहे का?
पायांना येणाऱ्या दुर्गंधीवर घरगुती उपाय, वाचा टिप्स
==============
६. नियमित उलथापालथ करणे
डब्यातले पीठ आठवड्यातून एकदा उलथून पाहावे. एकतर यामुळे अति आर्द्रता लक्षात येते आणि दुसरं म्हणजे काही ठिकाणी किडे लागत असतील तर ते लवकर दिसून येतात.(Kitchen Tips)
७. जुनं पीठ आधी वापरा
सर्वात महत्वाचं म्हणजे पहिले जुने पीठ वापरणे आणि नंतर नवीन पीठ वापरणे. “फर्स्ट इन, फर्स्ट आउट” या तत्वानुसार आपण साठवणूक ठेवल्यास जुने पीठ पडून राहत नाही आणि त्यात किडे होण्याचा धोका कमी होतो.
