बदलत्या ऋतूनुसार हेअर केअर प्रोडक्ट्स बदलावेत का?

Hair Care Tips : आपल्या त्वचेप्रमाणेच केसांची देखील काळजी ऋतूप्रमाणे बदलत असते. वर्षभरात येणारे विविध ऋतू – उष्ण उन्हाळा, दमट पावसाळा आणि कोरडा थंड हिवाळा. प्रत्येक ऋतूमध्ये आपल्या केसांच्या गरजा वेगळ्या असतात. त्यामुळे हेअर केअर प्रोडक्ट्स म्हणजे शॅम्पू, कंडीशनर, हेअर ऑइल, सीरम किंवा मास्क हेही ऋतूप्रमाणे बदलण्याची गरज असते का, हा प्रश्न अनेकांना पडतो. त्याचे उत्तर आहे – होय, ऋतूप्रमाणे केसांच्या देखभालीची पद्धत आणि उत्पादने बदलणे फायदेशीर ठरते. कारण ऋतू बदलल्याने हवामानातील आर्द्रता, तापमान आणि वातावरणातील प्रदूषणाची पातळी यामध्ये बदल होतो, जे आपल्या केसांवर थेट परिणाम करतात.

उन्हाळ्यात उन्हाची तीव्रता अधिक असल्याने केस कोरडे, निर्जीव आणि तुटणारे होतात. यावेळी घामामुळे डोक्याच्या त्वचेवर तेलकटपणा वाढतो आणि स्काल्पवर बॅक्टेरियाचा प्रादुर्भाव होऊन खाज, कोंड्याची समस्या निर्माण होते. म्हणूनच, उन्हाळ्यात सौम्य, डीप क्लीन्सिंग करणारा आणि स्काल्पला फ्रेश ठेवणारा शॅम्पू वापरणे आवश्यक असते. तसेच, हलक्या टेक्सचरचा कंडीशनर किंवा जेल बेस्ड हेअर मास्क फायदेशीर ठरतो, कारण हे केसांना जडपणा न आणता पोषण देतात. काहींना उन्हाळ्यात सतत केस धुवावेसे वाटते, अशावेळी सल्फेट फ्री आणि रोजच्या वापरासाठी योग्य असा शॅम्पू निवडावा.(Latest Marathi News)

पावसाळा हा केसांसाठी सर्वात नाजूक काळ मानला जातो. दमट हवामानामुळे केस गुंततात, फ्रिझी होतात आणि केसगळती वाढते. यावेळी अँटी-फ्रिझ फॉर्म्युला असलेले हेअर सीरम, सिलिकॉन-बेस्ड कंडीशनर, तसेच नैसर्गिक तेलं वापरणे योग्य ठरते. याशिवाय, पावसाचे पाणी लागल्यास केस त्वरित धुणे आणि स्वच्छ ठेवणे अत्यावश्यक असते. त्यामुळे क्लेरिफायिंग शॅम्पू, जो स्काल्पमधील साचलेले तेल, घाण काढतो, तो वापरणे उपयुक्त असते.(Hair Care Tips)

==========

हे ही वाचा : 

Hair Cut Tips : चेहऱ्याच्या आकारानुसार असा करा हेअरकट, खुलेल लूक

High Heels Disadvantages : उंच टाचांच्या चप्पल सतत वापरता? आरोग्यावर होऊ शकतो हा परिणाम

===========

हिवाळ्यात हवा कोरडी असते, त्यामुळे केस आणि स्काल्प दोन्ही कोरडे पडतात. यामुळे कोंडा, खाज, आणि केस तुटण्याचे प्रमाण वाढते. हिवाळ्यात मॉइश्चरायझिंग प्रोडक्ट्सचा वापर अनिवार्य आहे. दीप हायड्रेटिंग शॅम्पू, प्रोटीन किंवा केरेटिन युक्त कंडीशनर, गरम तेलाने मसाज – हे सर्व उपाय केसांना आवश्यक आर्द्रता पुरवतात आणि आरोग्य टिकवतात. याशिवाय, हिवाळ्यात हिट स्टायलिंग टाळून केसांना नैसर्गिकरित्या वाळवणे अधिक फायदेशीर ठरते.