२०२५ चा शेवट अतिशय चांगला होणार आहे. याचे कारण म्हणजे यंदा डिसेंबर महिन्याचा आणि वर्षाचा शेवट एकादशीने होत आहे. २०२५ मधील शेवटची एकादशी मंगळवार, ३० डिसेंबर रोजी आहे. या एकादशीला पुत्रदा एकादशी म्हटले जाते. भगवान विष्णूची पूजा करून हे व्रत तुमच्या जीवनात शांती, समृद्धी आणि आनंद प्रदान करते. तुम्हाला देखील संततीचा आशीर्वाद हवा असेल किंवा तुमच्या कुटुंबातील मुलांच्या आरोग्यासाठी आणि आनंदासाठी आशीर्वाद हवा असेल तर पुत्रदा एकादशी व्रत नक्की करावे असे सांगितले जाते. हिंदू कॅलेंडरनुसार, पुत्रदा एकादशी वर्षातून दोनदा साजरी केली जाते, एकदा पौष महिन्यात आणि दुसरी श्रावण महिन्यात. आता आपण पौष महिन्यात येणारी पुत्रदा एकादशी साजरी करणार आहोत. (Putrada Ekdashi 2025)
पौष पुत्रदा एकादशीचा व्रत यावर्षी ३० आणि ३१ डिसेंबर या दोन दिवशी साजरा केला जाईल. स्मार्त लोक ३० तारखेला व्रत पाळतील, तर वैष्णव परंपरेचे पालन करणारे लोक ३१ डिसेंबर रोजी व्रत पाळतील. पंचांगानुसार पौष महिन्यातील शुक्ल पक्षातील एकादशी ३० डिसेंबर २०२५ रोजी सकाळी ७:५० वाजता सुरू होईल आणि दुसऱ्या दिवशी, ३१ डिसेंबर २०२५ रोजी सकाळी ५:०० वाजता संपेल. म्हणून, ३० डिसेंबर रोजी एकादशीचे व्रत करणाऱ्या गृहस्थांनी दुसऱ्या दिवशी, ३१ डिसेंबर २०२५ रोजी दुपारी ०१:२६ ते ०३:३१ दरम्यान उपवास सोडावा. ३१ तारखेला एकादशीचे व्रत करणाऱ्या वैष्णव परंपरेचे पालन करणाऱ्यांना १ जानेवारी २०२६ रोजी सकाळी ०७:१४ ते ०९:१८ दरम्यान उपवास सोडता येईल. या एकादशीच्या दिवशी काही गोष्टी केल्याने नक्कीच तुम्हाला अपेक्षित फळाची प्राप्ती होईल. (Todays Marathi Headline)
* ज्यांना संततीसुख मिळण्याची अपेक्षा आहे, त्यांनी एकादशीचे व्रत करायला पाहिजे. हे व्रत केल्याने भगवान विष्णूचा आशीर्वाद लाभेल आणि संतती सुखाची प्राप्ती होईल. प्रत्येक एकादशीला व्रत केल्यानंतर अन्न आणि वस्त्र यांचे दान करावे आणि मगच व्रत सोडावे. (Marathi News)
* पुत्रदा एकादशीला दिवसभर उपवास ठेवा म्हणजे अन्न खाऊ नका. फळे, फळांचे रस आणि दूध यांचे सेवन करता येते. सकाळ संध्याकाळ विष्णुपूजेत ऊँ नमो भगवते वासुदेवाय मंत्राचा जप करा.
* एकादशीनंतर म्हणजेच द्वादशी तिथीला सकाळी स्नान करून श्रीविष्णूची पूजा करून कोणत्याही गरजूला अन्नदान करावे. त्यानंतर स्वतः जेवण करावे. अशा प्रकारे एकादशीचे व्रत पूर्ण होते. (Todays Marathi News)
* शुक्रवारी रुईची मुळे एका लाल कापडात बांधून ते कंबरेला बांधावे. हा उपाय कोणालाही न सांगता आणि कोणीही पाहणार नाही, अशा प्रकारे करावा. या उपायाच्या मदतीने तुम्हाला नक्कीच लवकरच अपेक्षित आनंदाची बातमी मिळेल.
* संतती सुख मिळण्यासाठी नवीन वर्षी प्रत्येक रविवारी हा उपाय करायला सुरुवात करावी. तांब्याच्या पात्रात लाल चंदन टाकून सूर्याला अर्घ्य द्यावे. हा उपाय केल्याने लवकरच आई-वडील बनण्याचे सुख मिळेल. (Latest Marathi Headline)
* भगवान विष्णूंची पूजा तुळशीशिवाय अपूर्ण मानली जाते. एकादशी च्या दिवशी तुळस तोडू नये, ती एक दिवस आधीच तोडून ठेवावी. तसेच एकादशीला तुळशीच्या रोपाला स्पर्श करू नये आणि पाणीही घालू नये, असे सांगितले जाते.
* पुत्रदा एकादशीला भगवान विष्णूंना केळी अर्पण करा. यामुळे भगवान प्रसन्न होतात आणि घरात सुख-समृद्धी येते.
* पिवळा रंग भगवान विष्णूंना अत्यंत प्रिय आहे. एकादशीच्या दिवशी पिवळी फुले आणि हार अर्पण केल्याने भक्तांच्या सर्व इच्छा पूर्ण होतात. (Top stories)
* पुत्रदा एकादशीच्या व्रतामध्ये लसूण, कांदा, मांस, मासे, अंडी, मद्य इत्यादी तामसिक अन्न खाऊ नये.
* एकादशी तिथीला तुळशी तोडणे निषिद्ध मानले जाते, म्हणून पुत्रदा एकादशीच्या व्रताला तुळशीची पाने तोडू नयेत.
========
Ekadshi : वर्षातल्या शेवटच्या पौष पुत्रदा एकादशीचे महत्त्व आणि माहिती
========
* एकादशीला नखे आणि केस कापणे अशुभ आहे, म्हणून असे करणे टाळा. तसेच, एकादशीला दाढी करू नये. एकादशीच्या व्रतामध्ये स्वतःला शांत, संयमी आणि सकारात्मक ठेवा. तसेच, भांडणे किंवा वादविवादांपासून दूर रहा. (Top Trending News)
* पौष पुत्रदा एकादशीच्या दिवशी लोहदान करू नये. या दिवशी लोहदान करणे शुभ नाही. यामुळे पाप होते आणि उपासनेचे फळ मिळत नाही. शिवाय पौष पुत्रदा एकादशीला मीठदान करू नये. असे मानले जाते की या दिवशी मीठ दान करण्यासाठी घरात अशांतता असते. त्याच वेळी, उपवास मोडला जातो. (Social News)
(टीपः कोणताही उपाय करण्यापूर्वी तज्ज्ञांचा सल्ला अवश्य घ्या.)
Latest Marathi News | News in Marathi | Live news Updates in Marathi on Trending Topics
