Home » ‘शमशेरा’ चित्रपटातील ‘संजय दत्त’चा पाहा भयानक लुक

‘शमशेरा’ चित्रपटातील ‘संजय दत्त’चा पाहा भयानक लुक

by Team Gajawaja
0 comment
Shamshera
Share

‘शमशेरा’ (Shamshera) रणबीर कपूर आणि संजय दत्तचा चित्रपट सध्या प्रचंड चर्चेत आहे. चित्रपटाचा जबरदस्त टीझर 22 जून रोजी निर्मात्यांनी रिलीज केला आहे आणि ट्रेलर उद्या म्हणजेच 24 जून रोजी रिलीज होणार आहे, ज्याबद्दल चाहते खूप उत्सुक आहेत. निर्मात्यांनी काही वेळापूर्वी ‘शमशेरा’चे नवीन पोस्टर रिलीज केले आहे. चाहत्यांना एक मोठे सरप्राईज देत निर्मात्यांनी ‘दरोगा शुद्ध सिंह’ म्हणजेच संजय दत्तचा लूक उघड करून चाहत्यांना रोमांचित केले आहे.

‘शमशेरा’चा ट्रेलर रिलीज होण्याच्या एक दिवस आधी निर्मात्यांनी एक नवीन पोस्टर रिलीज केले आहे. पोस्टरमध्ये संजय दत्तचा भयानक अवतार समोर आला आहे. लहान केसांसह चेहऱ्यावरची दाढी आणि चेहरा देणारी मिशी यामुळे संजय दत्तचा लूक देखणा होत आहे. यासोबतच ‘बॉलिवुडचे बाबा’ कपाळावर महादेवाचा टिळक लावून दिसत आहेत.

चित्रपटाचे हे नवीन पोस्टर यशराज फिल्म्सने त्यांच्या सोशल मीडिया अकाउंटवर तीन वेगवेगळ्या भाषांमध्ये शेअर केले आहे. याशिवाय संजय दत्तने त्याच्या इंस्टाग्राम अकाऊंटवर ‘शमशेरा’मधील त्याचा लूकही शेअर केला आहे.

हा चित्रपट 22 जुलै 2022 रोजी हिंदी, तमिळ आणि तेलगू भाषेत सिनेमागृहात प्रदर्शित होणार आहे. या चित्रपटात रणबीर कपूर, वाणी कपूर आणि संजय दत्त यांच्या प्रमुख भूमिका आहेत. त्याचबरोबर आशुतोष राणा, सौरभ शुक्ला, रोनित रॉय आणि त्रिधा चौधरी देखील या चित्रपटात दिसणार आहेत.

====

हे देखील वाचा: सोनू निगमच्या हस्ते रितू जोहरीचा ‘द इमॉर्टल्स’ अल्बम लाँच

====

2018 मध्ये या चित्रपटाची घोषणा करण्यात आली होती. या चित्रपटाच्या माध्यमातून रणबीर कपूर तब्बल चार वर्षांनी मोठ्या पडद्यावर परतणार आहे. ‘शमशेरा’ व्यतिरिक्त रणबीर कपूर ‘ब्रह्मास्त्र’ या चित्रपटातही दिसणार आहे, ज्यामध्ये तो पहिल्यांदाच आलिया भट्टसोबत स्क्रिन शेअर करणार आहे. हे दोन्ही चित्रपट रणबीरचे मोस्ट अवेटेड चित्रपट आहेत.


Share

Related Articles

Leave a Comment

Newsletter

Subscribe our Newsletter for new blog posts, tips. Let's stay updated!

All rights reserved by Gajawaja © Copyright 2023.